STOP THE WAR, PEACE IS THE PRIORITY എന്ന മുദ്രാവാക്യമുയർത്തി ഡിവൈഎഫ്ഐ ഇരിങ്ങാലക്കുട ബ്ലോക്ക്‌ കമ്മിറ്റിയുടെ നേതൃത്വത്തിൽ യുദ്ധവിരുദ്ധ റാലി സംഘടിപ്പിച്ചു

ഇരിങ്ങാലക്കുട:STOP THE WAR, PEACE IS THE PRIORITY എന്ന മുദ്രാവാക്യമുയർത്തി ഡിവൈഎഫ്ഐ ഇരിങ്ങാലക്കുട ബ്ലോക്ക്‌ കമ്മിറ്റിയുടെ നേതൃത്വത്തിൽ യുദ്ധവിരുദ്ധ റാലി സംഘടിപ്പിച്ചു. പൂതംകുളം മൈതാനിയിൽ നിന്ന് ആരംഭിച്ച യുദ്ധവിരുദ്ധ റാലി ഇരിങ്ങാലക്കുട ബസ് സ്റ്റാൻഡിൽ പര്യവസാനിച്ചു.തുടർന്നു നടത്തിയ പൊതുയോഗം സിപിഐ(എം) ഇരിങ്ങാലക്കുട ഏരിയ കമ്മിറ്റിയംഗം ഡോ.കെ.പി ജോർജ് ഉദ്ഘാടനം ചെയ്തു.ഡിവൈഎഫ്ഐ ഇരിങ്ങാലക്കുട ബ്ലോക്ക് പ്രസിഡണ്ട് പികെ മനുമോഹൻ അദ്ധ്യക്ഷത വഹിച്ച യോഗത്തിൽ ബ്ലോക്ക് സെക്രട്ടറി വി എ അനീഷ് സ്വാഗതവും ട്രഷറർ ഐവി സജിത്ത് നന്ദിയും രേഖപ്പെടുത്തി. ഡിവൈഎഫ്ഐ ബ്ലോക്ക് ജോയിൻ്റ് സെക്രട്ടറി അതീഷ് ഗോകുൽ ,വൈസ് പ്രസിഡണ്ടുമാരായ വിഷ്ണുപ്രഭാകരൻ, ശരത് ചന്ദ്രൻ, സെക്രട്ടറിയേറ്റ് അംഗങ്ങളായ എം.വി ഷിൽവി, പ്രസി പ്രകാശൻ എന്നിവർ റാലിക്ക് നേതൃത്വം നൽകി.