ശാസ്‌താംകുളം നവീകരിച്ച് പൊതുജനങ്ങൾക്ക് തുറന്ന് കൊടുത്തു

69
Advertisement

ഇരിങ്ങാലക്കുട: നഗരസഭ ജനകീയാസൂത്രണം 2018-19 ,2019-20 വർഷത്തെ പദ്ധതിയിൽ ഉൾപ്പെടുത്തി 23 ലക്ഷം രൂപ ചിലവഴിച്ച് നവീകരിച്ച ശാസ്താംകുളം പൊതുജനങ്ങൾക്ക് തുറന്ന് കൊടുത്തു.ശാസ്താംകുളം സ്ഥിതി ചെയ്യുന്ന വാർഡിന്റെ കൗൺസിലറും ഇരിങ്ങാലക്കുട നഗരസഭാ ചെയർപേഴ്‌സണുമായ നിമ്യ ഷിജുവിന്റെ അധ്യക്ഷതയിൽ തൃശൂർ എം.പി ടി.എൻ പ്രതാപൻ ഉദ്‌ഘാടനം നിർവ്വഹിച്ചു.മുൻ നഗരസഭാ ചെയർമാൻ എം.പി ജാക്സൺ മുഖ്യാഥിതിയായിരുന്നു .നഗരസഭാ സെക്രട്ടറി കെ.എസ് അരുൺ റിപ്പോർട്ട് അവതരിപ്പിച്ചു.സ്റ്റാന്റിംഗ് കമ്മിറ്റി ചെയർപേഴ്സൺമാരായ മീനാക്ഷി ജോഷി ,വത്സല ശശി ,കുര്യൻ ജോസഫ് ,പി.എ അബ്ദുൽ ബഷീർ,ബിജു ലാസർ എന്നിവർ ആശംസകൾ അർപ്പിച്ചു.നഗരസഭ ആരോഗ്യ വിഭാഗം സൂപ്പർവൈസർ സ്റ്റാൻലി പി .ആർ ,നഗരസഭാ കൗൺസിലർമാർ ,പൊതുജനങ്ങൾ തുടങ്ങിയവർ സന്നിഹിതരായിരുന്നു .നഗരസഭാ വൈസ് ചെയർപേഴ്സൺ രാജേശ്വരി ശിവരാമൻ നായർ സ്വാഗതവും നഗരസഭാ എഞ്ചിനീയർ സുഭാഷ് എം.കെ നന്ദിയും പറഞ്ഞു.