വെള്ളാങ്ങല്ലൂര്‍: ഭിന്നശേഷി വിദ്യാര്‍ഥികള്‍ക്കായി വെള്ളാങ്ങല്ലൂര്‍ ബി.ആര്‍.സി.യുടെ നേതൃത്വത്തില്‍ നടത്തിയ ദ്വിദിന സഹവാസ ക്യാമ്പ് ‘ വിസ്മയക്കൂടാരം സമാപിച്ചു. കുട്ടികളുടെ സര്‍ഗവാസനകള്‍ തിരിച്ചറിയാനും അവരുടെ കഴിവുകള്‍ പ്രകടിപ്പിക്കാനുമുള്ള വേദിയൊരുക്കാനുമാണ് ക്യാമ്പ് സംഘടിപ്പിച്ചത്. സമാപന സമ്മേളനം ജില്ലാ പഞ്ചായത്ത് മെമ്പര്‍ ടി.ജി.ശങ്കരനാരായണന്‍ ഉദ്ഘാടനം ചെയ്തു. പഞ്ചായത്തംഗം ഡെയ്‌സി ജോസ് അധ്യക്ഷയായി. ഇ.എസ്.പ്രസീത, എം.കെ.മോഹനന്‍, ആര്‍.ശ്രീഭ, പ്രദീപ്.യു.മേനോന്‍ എന്നിവര്‍ പ്രസംഗിച്ചു.
Advertisement
