ഇരിങ്ങാലക്കുട: നടവരമ്പ് 3175-ാം എൻ.എസ്.എസ് കരയോഗത്തിന്റെ ആഭിമുഖ്യത്തിൽ ‘പൊന്നോണം 2026’ എന്ന പേരിൽ ഓണാഘോഷ പരിപാടികൾ സംഘടിപ്പിച്ചു.
വൈസ് പ്രസിഡന്റ് പി. ആർ. വത്സകുമാർ, സെക്രട്ടറി സതീഷ് മേനോൻ, എൻ.എസ്.എസ് പ്രതിനിധിസഭാംഗം ഉണ്ണിക്കൃഷ്ണൻ മേനോൻ, ഉദ്ഘാടകൻ ബാലകൃഷ്ണൻ അഞ്ചത്ത്, വനിതാസമാജം പ്രസിഡന്റ് രാജി രാമനാഥൻ എന്നിവർ ചേർന്ന് ഭദ്രദീപം തെളിയിച്ചു. അമ്പിളി കൃഷ്ണൻ ഈശ്വരപ്രാർത്ഥന നടത്തി. പ്രസന്ന ടീച്ചറും സംഘവും ആചാര്യവന്ദനം അവതരിപ്പിച്ചു. സതീഷ് മേനോൻ സ്വാഗതവും പി. ആർ. വത്സകുമാർ അധ്യക്ഷപ്രസംഗവും നടത്തി. തുടർന്ന് മാവേലിയെ വരവേറ്റു.
ബാലകൃഷ്ണൻ അഞ്ചത്ത് ചടങ്ങ് ഉദ്ഘാടനം ചെയ്തു. ഉണ്ണിക്കൃഷ്ണൻ മേനോൻ വിദ്യാഭ്യാസ അവാർഡുകൾ വിതരണം ചെയ്തു. കുട്ടികൾക്കുള്ള സമ്മാനവിതരണം രാജി രാമനാഥൻ നിർവഹിച്ചു.
തുടർന്ന് വിവിധ കലാപരിപാടികൾ, ഗെയിംസ്, ഗാനാലാപനം എന്നിവ അരങ്ങേറി. പായസവും കായ ഉപ്പേരിയും വിതരണം ചെയ്തു. സിന്ധു അനിൽകുമാർ നന്ദി പറഞ്ഞു
