ജൂൺ 26 അന്താരാഷ്ട്ര ലഹരി വിരുദ്ധ ദിനത്തിൽ ബോധവത്ക്കരണവുമായി മാപ്രാണം നക്ഷത്ര റെസിഡൻസ് അസോസ്സിയേഷൻ

മാപ്രാണം:യുവതി യുവാക്കളിൽ ലഹരി ആസക്തി കൂടി വരുന്ന ഈ സാഹചര്യത്തിൽ യുവത ലഹരിക്കെതിരാണെന്ന സന്ദേശം നൽകി കൊണ്ട് നക്ഷത്ര റെസിഡൻസ് അസോസ്സിയേഷൻ എല്ലാ വീടുകളിലും ലഹരിക്കെതിരെ ദീപം തെളിയിച്ച് പ്രതിജ്ഞ എടുത്തു .വൈകീട്ട് 7 മണി മുതൽ 5 മിനിറ്റ് ദീപം തെളിയിച്ച് വീട്ടിലെ മുഴുവൻ അംഗങ്ങളും ലഹരി നിർമാർജ്ജനത്തിന് ഐക്യദാർഡ്യം പ്രകടിപ്പിച്ചു . നക്ഷത്രയുടെ എക്സിക്യുട്ടിവ് ഭാരവാഹികൾ മെഴുകുതിരി കത്തിച്ച്‌ പ്രതിജ്ഞ എടുത്തു. ചടങ്ങിൽ നക്ഷത്ര റെസിഡൻസ് അസോസ്സിയേഷൻ പ്രസിഡണ്ട് ഗിരിജാ വല്ലഭൻ , സെക്രട്ടറി രാധിക ജോഷി , തുടങ്ങിയവർ സംസാരിച്ചു . രക്ഷാധികാരി ടി ജയചന്ദ്രൻ സത്യപ്രതിജ്ഞ ചൊല്ലിക്കൊടുത്തു.