പ്രവാസികളുടെ മടങ്ങിവരവ്: 45000 ലേറെ പേർ എത്തുമെന്ന് പ്രതീക്ഷ

തൃശ്ശൂർ:ലോക്ക് ഡൗൺ പൂർത്തിയാകുമ്പോൾ തൃശൂർ ജില്ലയിലേക്ക് 45036 പ്രവാസികൾ മടങ്ങിയെത്തുമെന്ന് പ്രാഥമിക കണക്ക്. തിരികെ എത്തുന്ന പ്രവാസി മലയാളികളുടെ എണ്ണം തിട്ടപ്പെടുത്തുന്നതിന് സംഘടിപ്പിച്ച വാർഡ്തല സർവെ പൂർത്തിയായതിന് ശേഷം നടത്തിയ അവലോകനത്തിലാണ് ഈ അനുമാനം. നഗരസഭകളിലും പഞ്ചായത്തുകളിലും റാപ്പിഡ് റസ്‌പോൺസ് ടീമിന്റെ നേതൃത്വത്തിലാണ് സർവെ നടത്തിയത്. ജില്ലാ കളക്ടർ എസ് ഷാനവാസിന്റെ നിർദ്ദേശപ്രകാരം പൂർത്തിയാക്കിയ സർവേ പ്രകാരം 45036 പ്രവാസികൾ തിരികെ ജില്ലയിലെത്തും. തൃശൂർ കോർപ്പറേഷൻ പരിധിയിൽ 271 പേരും 7 നഗരസഭകളിലായി 5463 പേരും 86 ഗ്രാമപഞ്ചായത്തുകളിലായി 39302 പേരും മടങ്ങിയെത്തുമെന്നാണ് പ്രതീക്ഷിക്കുന്നത്. ഇതിൽ 33642 പേർക്ക് അവരവരുടെ വീടുകളിൽ തന്നെ നിരീക്ഷണത്തിൽ കഴിയുന്നതിനുളള സൗകര്യമുണ്ട്. അവശേഷിക്കുന്ന 11394 പേരെ നിരീക്ഷണത്തിൽ പാർപ്പിക്കുന്നതിനുളള സൗകര്യങ്ങൾ ഏർപ്പെടുത്തുന്നതിനുളള ഒരുക്കങ്ങളിലാണ് ജില്ലാ ഭരണകൂടം. കോവിഡ് കെയർ സെന്ററുകൾ ഒരുക്കുന്ന പ്രവർത്തനം അതിവേഗം പുരോഗമിക്കുകയാണ്. ജില്ലാ നോഡൽ ഓഫീസറായ ഡെപ്യൂട്ടി കളക്ടർ (അപ്പ്‌ലേറ്റ് അതോറിറ്റി) കെ മധുവിന്റെ നേതൃത്വത്തിലാണ് സർവെ നടപടികൾ പൂർത്തിയാക്കിയത്.

Hot this week

Topics

ഐ.ടി.യു ബാങ്ക് : ഇടപെടൽ ശക്തമാക്കി തോമസ് ഉണ്ണിയാടൻ എം എൽ എ

ഇരിങ്ങാലക്കുട: ഐ.ടി.യു ബാങ്ക് വിഷയത്തിൽ അടിയന്തര പരിഹാരം കാണണമെന്നാവശ്യപ്പെട്ട് തോമസ് ഉണ്ണിയാടൻ...

ക്രൈസ്റ്റ് വിദ്യാനികേതൻ സിൽവർ ജൂബിലി ‘ഫാ. ഗബ്രിയേൽ ട്രോഫി’ ഇന്റർസ്‌കൂൾ ഫുട്ബോൾ ടൂർണമെന്റിന് തുടക്കമായി

ഇരിങ്ങാലക്കുട: സിൽവർ ജൂബിലി ആഘോഷങ്ങളുടെ (Eclat '25) ഭാഗമായി ഇരിങ്ങാലക്കുട ക്രൈസ്റ്റ്...
spot_img

Related Articles

Popular Categories

spot_imgspot_img