ഇരിങ്ങാലക്കുട : കേന്ദ്രസര്ക്കാരിന്റെ തൊഴിലാളിവിരുദ്ധ, ജനവിരുദ്ധ, ദേശവിരുദ്ധനയങ്ങള്ക്കെതിരായി വിവിധ ട്രേഡ് യൂണിയന് നടത്തുന്ന ദേശീയപണിമുടക്ക് ആരംഭിച്ചു .സിഐടിയു, എഐടിയുസി, ഐഎന്ടിയുസി, എച്ച്എംഎസ്, എഐയുടിയുസി, ടിയുസിസി, സേവ, എഐസിസിടിയു, എല്പിഎഫ്, യുടിയുസി എന്നീ കേന്ദ്ര ട്രേഡ് യൂണിയനുകളാണ് പണിമുടക്ക് ആഹ്വാനം നടത്തിയിട്ടുള്ളത്. നിരവധി സ്വതന്ത്ര യൂണിയനുകളും അസോസിയേഷനുകളും ഫെഡറേഷനുകളും പിന്തുണയുമായുണ്ട്.കെ.എസ്.ആര്.ടി.സി ബസുകളും സ്വകാര്യ ബസുകളും നിരത്തില് ഇറങ്ങിയിട്ടില്ല .വ്യാപാരികള് കടകള് തുറന്നിട്ടില്ല . പ്രതിരോധനിര്മാണം, റെയില്വേ, കല്ക്കരി അടക്കമുള്ള മേഖലകളില് 100 ശതമാനം എഫ്ഡിഐ അനുവദിച്ചത് പിന്വലിക്കുക, ദേശീയതലത്തില് 21,000 രൂപ മിനിമം വേതനം നടപ്പാക്കുക, വിലക്കയറ്റം തടയുക, ലേബര് കോഡുകള് പിന്വലിക്കുക തുടങ്ങിയവയാണ് പണിമുടക്കില് ഉന്നയിക്കുന്ന പ്രധാന ആവശ്യങ്ങള്.ചൊവ്വ രാത്രി 12 മണി മുതല് ബുധന് രാത്രി 12 മണി വരെയാണ് പണിമുടക്ക് പ്രഖ്യാപിച്ചിട്ടുള്ളത്. ആവശ്യസര്വീസുകള് ,പാല് ,പത്രം ,ശബരിമല തീര്ത്ഥാടനം എന്നിവയെ പണിമുടക്കില് നിന്ന് ഒഴിവാക്കിയിട്ടുണ്ട
Popular Categories
Previous article![]( "തുമ്പൂര് അയ്യപ്പന്കാവ് ക്ഷേത്രത്തിലെ കാവടി അഭിഷേക മഹോത്സവം ക്ഷേത്രം തന്ത്രി ബ്രഹ്മശ്രീ തന്തുരത്നം അഴകത്ത് ശാസ്ത്ര ശര്മ്മന് തിരുമേനി നടത്തി")
Next article![]( "ദേശീയ പണിമുടക്കിന്റെ ഭാഗമായി പ്രകടനവും പൊതുസമ്മേളനവുംനടത്തി")
