ഇരിങ്ങാലക്കുട: ഇരിങ്ങാലക്കുട ലാന്ഡ് ട്രിബ്യൂണല് ഓഫീസ് ഉദ്ഘാടനം, തൃശ്ശൂര് ജില്ലയിലെ പട്ടയവിതരണം നടപടികള് ഊര്ജ്ജിതമാക്കുന്നതിന്റെ ഭാഗമായി കേരള സര്ക്കാര് തൃശൂര് ജില്ലയില് പുതുതായി 2 ലാന്ഡ് ട്രിബ്യൂണല് ഓഫീസുകള് അനുവദിച്ചിട്ടുണ്ട്. ഇതില് ഇരിങ്ങാലക്കുട ആസ്ഥാനമാക്കി പ്രവര്ത്തനമാരംഭിക്കുന്ന സ്പെഷ്യല് തഹസില്ദാര് ലാന്ഡ് ട്രിബ്യൂണല് ഓഫീസ് ചാലക്കുടി കൊടുങ്ങല്ലൂര് താലൂക്ക് പരിധിയിലുള്ള ഭൂവിഭാഗത്തിനായി വിജ്ഞാപനം ചെയ്തിരിക്കുന്നു. ഈ ഓഫീസിലെ ഉദ്ഘാടനച്ചടങ്ങ് ഇരിങ്ങാലക്കുട എം.എല്.എ.പ്രൊഫ. കെ. യു. അരുണന് മാസ്റ്ററിന്റെ അദ്ധ്യക്ഷതയില് റവന്യു ഭവനനിര്മ്മാണ വകുപ്പ് മന്ത്രി ഈ. ചന്ദ്രശേഖരന് 2019 ഡിസംബര് 2 തിങ്കളാഴ്ച വൈകിട്ട് 4: 30ന് ഇരിങ്ങാലക്കുട മിനി സിവില് സ്റ്റേഷന് മന്ദിരത്തില് വച്ച് നിര്വഹിക്കും. ചടങ്ങില് തൃശ്ശൂര് എം. പി. ടി .എന് .പ്രതാപന്,ചാലക്കുടി എം.പി ബെന്നി ബെഹനാന് തുടങ്ങിയവര് ചടങ്ങില് പങ്കെടുക്കും. ഇരിങ്ങാലക്കുട എം.എല്.എ.യും സംഘാടക സമിതി ചെയര്മാനുമായ പ്രൊഫ. കെ .യു. അരുണന് മാസ്റ്റര് ,സംഘാടകസമിതി കണ്വീനറും മുകുന്ദപുരം തഹസില്ദാര് കെ. മധുസൂദനന്, സ്പെഷ്യല് തഹസില്ദാര് മായാ മാധവന്, എന്നിവര് പത്രസമ്മേളനത്തില് പങ്കെടുത്തു.
Popular Categories
Previous article![]( "തവനീഷിന്റെ സവിഷ്ക്കാര 2019 ന് ക്രൈസ്റ്റ് കോളേജില് തുടക്കമായി")
Next article![]( "5-12-2019")
