ഇരിങ്ങാലക്കുട- ക്രൈസ്റ്റ് കോളേജിന്റെ വൈദ്യുതി ഉപയോഗം ഇനി മുതല്‍ പുരമുകളിലെ സൗരോര്‍ജ്ജ വൈദ്യുതിയില്‍ നിന്ന് . കോളേജിലെ സൗരോര്‍ജ്ജ വൈദ്യുതിയുടെ പ്രവര്‍ത്തനം സംസ്ഥാന കായിക വകുപ്പ് മന്ത്രി ഇ പി ജയരാജന്‍ ഉദ്ഘാടനം ചെയ്തു. കോളേജ് മാനേജര്‍ ഫാ. ജേക്കബ്ബ് ഞെരിഞ്ഞാംമ്പള്ളി സി എം ഐ , പ്രിന്‍സിപ്പാള്‍ ഡോ. മാത്യു പോള്‍ ഊക്കന്‍ , വൈസ് പ്രിന്‍സിപ്പാള്‍മാരായ ഫാ. ജോയ് പീണിക്കപ്പറമ്പില്‍ സി എം ഐ , ഫാ. ഡോ. ജോളി ആന്‍ഡ്രൂസ് , പ്രൊഫ. വി പി ആന്റോ തുടങ്ങിയവര്‍ സംസാരിച്ചു. 100 കിലോ വാട്ട് ശേഷിയുള്ള സൗരോര്‍ജ്ജ വൈദ്യുതി പദ്ധതിയാണ് സ്ഥാപിച്ചിരിക്കുന്നത് . പ്രവൃത്തി ദിവസങ്ങളില്‍ കോളേജിന്റെ വൈദ്യുതി ഉപയോഗത്തിന്റെ നൂറ് ശതമാനവും പ്രവര്‍ത്തിക്കുക സൗരോര്‍ജ്ജ വൈദ്യുതിയിലായിരിക്കും . കൂടാതെ മിച്ചം വരുന്ന വൈദ്യുതി കെ എസ് ഇ ബി ഗ്രിഡിലേക്കു നല്‍കുന്നതായിരിക്കും . ഇരിങ്ങാലക്കുട വൈദ്യുത വകുപ്പ് സെക്ഷനു കീഴിലുള്ള ഏറ്റവും വലിയ സൗരോര്‍ജ്ജ പദ്ധതിയാണ് കോളേജന്റേത്. കേന്ദ്ര ഗവണ്‍മെന്റിന്റേയും അനര്‍ട്ടിന്റെയും സഹായത്തോടെ 68 ലക്ഷം രൂപ ചെലവഴിച്ചാണ് പുരമുകള്‍ സൗരോര്‍ജ്ജ പദ്ധതി നടപ്പിലാക്കിയിരിക്കുന്നത്
Popular Categories
Previous article![സൗജന്യ നേത്ര ചികിത്സാ – തിമിര നിര്‍ണായ ക്യാമ്പ് നടത്തി]( "സൗജന്യ നേത്ര ചികിത്സാ – തിമിര നിര്‍ണായ ക്യാമ്പ് നടത്തി")
Next article![ഇന്ന് ജന്മദിനമാഘോഷിക്കുന്ന ജോസ് മാമ്പിള്ളിക്ക് ഇരിങ്ങാലക്കുട.കോമിന്റെ ആശംസകള്‍]( "ഇന്ന് ജന്മദിനമാഘോഷിക്കുന്ന ജോസ് മാമ്പിള്ളിക്ക് ഇരിങ്ങാലക്കുട.കോമിന്റെ ആശംസകള്‍")
