പാർലമെന്റ് മാർച്ചിന്റെ പ്രചാരണർത്ഥം കാട്ടൂർ പഞ്ചായത്തിൽ സംഘടിപ്പിച്ച കാൽനട പ്രചാരണജാഥ കർഷക സംഘം ഏരിയ സെക്രട്ടറി ടി ജി ശങ്കരനാരായണൻ ഉദ്ഘാടനം ചെയ്തു

കാട്ടൂർ: സി ഐ ടി യൂ ,കർഷക സംഘം, കർഷത്തൊഴിലാളി, സംയുക്തമായി കേന്ദ്രം ഭരിക്കുന്ന നരേന്ദ്രമോഡി സർക്കാരിന്റെ തൊഴിലാളി വിരുദ്ധ കർഷക ദ്രോഹ നയങ്ങൾക്കെതിരെ ഏപ്രിൽ 5 ന് നടത്തുന്ന പാർലമെന്റ് മാർച്ചിന്റെ പ്രചാരണർത്ഥം ടി വി ലത ജാഥ ക്യാപ്റ്റൻ ആയും പി എസ് അനീഷ് വൈസ് ക്യാപ്റ്റൻ ആയും, വി കെ മനോജ്‌ മാനേജർ ആയും കാട്ടൂർ പഞ്ചായത്തിൽ സംഘടിപ്പിച്ച കാൽനട പ്രചാരണജാഥ മാവുംവളവിൽ കർഷക സംഘം ഏരിയ സെക്രട്ടറി ടി ജി ശങ്കരനാരായണൻ ഉദ്ഘാടനം ചെയ്തു.തെക്കുംമൂല, പറയൻകടവ്, പൂമരച്ചോട്, ബസാർ, എന്നീ സ്ഥലങ്ങളിലെ സ്വീകരണങ്ങൾ ഏറ്റുവാങ്ങി ജാഥ ബസ്റ്റാന്റ് പരിസരത്ത് സമാപിച്ചു. സമാപന സമ്മേളനം സി ഐ ടി യൂ സംസ്ഥാന കമ്മിറ്റി അംഗം ലത ചന്ദ്രൻ ഉദ്ഘാടനം നിർവഹിച്ചു.സി ഐ ടി യൂ ഏരിയ സെക്രട്ടറി കെ എ ഗോപി, ഏരിയ കമ്മിറ്റി അംഗം ബെന്നി, ബൈജു, സി പി ഐ എം ലോക്കൽ സെക്രട്ടറി ടി വി വിജീഷ്, കർഷക തൊഴിലാളി ഏരിയ പ്രസിഡന്റ് സുരേഷ് ബാബു എന്നിവർ അഭിവാദ്യങ്ങൾ അർപ്പിച്ചു സംസാരിച്ചു. ജാഥ വൈസ് ക്യാപ്റ്റൻ പി എസ് അനീഷ് നന്ദിയും പറഞ്ഞു