പൊതുകുളങ്ങളിലെ മത്സ്യവിത്ത് നിക്ഷേപം പദ്ധതി മുൻസിപ്പൽ ചെയർപേഴ്സൺ സോണിയ ഗിരി ഉദ്ഘാടനം നിർവഹിച്ചു

ഇരിങ്ങാലക്കുട:കേരള സർക്കാർ ഫിഷറീസ് വകുപ്പ് – ഇരിങ്ങാലക്കുട മുൻസിപ്പാലിറ്റി സംയോചിച്ചു നടപ്പിലാക്കുന്ന പൊതുകുളങ്ങളിലെ മത്സ്യവിത്ത് നിക്ഷേപം പദ്ധതി വാർഡ് 25 ലെ മണ്ണാത്തികുളത്തിൽ തനതുമത്സ്യവിത്ത് നിക്ഷേപിച്ചുകൊണ്ട് ഇരിഞ്ഞാലക്കുട മുൻസിപ്പൽ ചെയർപേഴ്സൺ സോണിയ ഗിരി ഉദ്ഘാടനം നിർവഹിച്ചു. വൈസ് ചെയർമാൻ ചാർളി, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ അംബിക പള്ളിപ്പുറത്ത്, വാർഡ് കൗൺസിലർ സ്മിത കൃഷ്ണകുമാർ, വിവിധ വാർഡുകളിലെ കൗൺസിലർമാർ, അക്വാകൾച്ചർ പ്രൊമോട്ടർ ശരത് എന്നിവർ സന്നിഹിതരായിരുന്നു. കരിമീൻ കുഞ്ഞുങ്ങളെയാണ് നിക്ഷേപിച്ചത്.