മലയാളം
English
ഇരിങ്ങാലക്കുട: ലോകത്തെ തന്നെ പടുത്തുയർത്താൻ കഴിവുള്ള എൻജിനിയർമാരെ കൂടുതൽ കഴിവുറ്റവരാക്കുന്നതിനു സഹായിക്കുന്നതാണ് ഓട്ടോകാഡ് എന്ന സോഫ്റ്റ്വെയർ. ഈ നൂതന സാങ്കേതിക വിദ്യ ഉപയോഗിച്ച് ഇലക്ടറിക്കൽ, സിവിൽ, മെക്കാനിക്കൽ എന്നി മേഖലകളുടെയും കാര്യക്ഷമത വർദ്ധിപ്പിക്കാവുന്നതാണ്. ഒരു ഭവനമോ കെട്ടിടമോ ഡിസൈൻ ചെയ്യുന്നതിനു ഇന്ന് ഏറ്റവും കൂടുതൽ ഉപയോഗിക്കുന്നതും ഈ സോഫ്റ്റ്‌വെയറാണ്.ദിനംപ്രതി വളരുന്ന സാങ്കേതികവിദ്യയോടൊപ്പം വിദ്യാർഥികൾക്ക് ഓട്ടോകാഡിന്റെ അടിസ്‌ഥാന പാഠങ്ങൾ പഠിപ്പിക്കുന്നതിനായി ക്രൈസ്റ്റ് കോളേജ് ഓഫ് എഞ്ചിനീയറിംഗിലെ ഇലക്ട്രിക്കൽ വിഭാഗം അഞ്ചുദിവസത്തെ ഓൺലൈൻ വർക്ക്ഷോപ്പ് സംഘടിപ്പിച്ചിരുന്നു. ഇലക്ട്രിക്കൽ ഡിപ്പാർട്ട്മെൻറ് അധ്യാപികയായ എമിലിൻ തോമസാണ് വർക്ക്ക്ഷോപ്പിന് നേതൃത്വം നൽകിയത്. ക്രൈസ്റ്റ് കോളേജ് ഓഫ് എൻജിനിയറിങ്ങിന്റെ എക്സിക്യൂട്ടീവ് ഡയറക്ടർ റവ. ഫാ. ജോൺ പാലിയേക്കരയാണ് അഞ്ച് ദിവസത്തെ ഓൺലൈൻ വർക്ക്ക്ഷോപ്പിന്റെ ഉദ്ഘാടനം നിർവ്വഹിച്ചത്. കോളേജിന്റെ ജോയിന്റ് ഡയറക്ടർ റവ. ഫാ. ജോയ് പയ്യപ്പള്ളിയും കോളേജ് പ്രിൻസിപ്പൽ ഡോ. സജീവ് ജോൺ, വൈസ് പ്രിൻസിപ്പൽ ഡോ. വി. ഡി. ജോൺ, ഇലക്ട്രിക്കൽ ആൻഡ് ഇലക്ട്രോണിക്സ് ഡിപ്പാർട്മെന്റ് എച്.ഒ.ഡി പ്രൊഫ്‌. നീതു വർഗീസ് എന്നിവരും ആശംസകൾ അർപ്പിച്ചു.
