ഇരിങ്ങാലക്കുട : കണ്ടംകുളത്തി ലോനപ്പന്‍ സ്മാരക വിന്നേഴ്‌സ് ട്രോഫിക്കും, ടി.എല്‍.തോമസ് സ്മാരക റണ്ണേഴ്‌സ് ട്രോഫിക്കും വേണ്ടിയുള്ള 59-ാമത് സൗത്ത് ഇന്ത്യന്‍ ഇന്റര്‍ കോളേജിയേറ്റ് ഫുട്‌ബോള്‍ ടൂര്‍ണ്ണമെന്റ് ഫെബ്രുവരി 3 മുതല്‍ 7 വരെ ക്രൈസ്റ്റ് കോളേജ് ഫുട്‌ബോള്‍ മൈതാനിയില്‍ നടക്കും. കേരളത്തിലെ പ്രമുഖ 16 കലാലയ ടീമുകള്‍ മാറ്റുരക്കും. ക്രൈസ്റ്റിന്റെ പൂര്‍വ്വ കാല ഫുട്‌ബോള്‍ കളിക്കാരുടെ സംഗമം ഫെബ്രുവരി 6 -ാം തിയ്യതി വ്യാഴാഴ്ച വൈകീട്ട് 4 മണിക്ക് നടക്കും. ഇരിങ്ങാലക്കുടയുടെയും, ക്രൈസ്റ്റിന്റെയും കായികമികവിന് സമ്മാനമായി റോസ തോമന്‍, തോമന്‍.പി.എ, പീണിക്കപറമ്പില്‍ മെമ്മോറിയല്‍ ബാസ്‌ക്കറ്റ്‌ബോള്‍ കോര്‍ട്ട് വെഞ്ചിരിപ്പ് 7 ന് വെള്ളിയാഴ്ച വൈകീട്ട് 6 മണിക്ക് കോളേജ് മാനേജര്‍ ഫാ.ജെയ്ക്കബ്ബ് ഞെരിഞ്ഞാമ്പിള്ളി സി.എം.ഐ. നിര്‍വ്വഹിക്കുമെന്ന് പ്രിന്‍സിപ്പല്‍ മാത്യുപോള്‍ ഊക്കന്‍, ഫാ.സിബി ഫ്രാന്‍സിസ്, പ്രൊഫ.ബിന്റു .ടി.കല്യാണ്‍, അലുമിനി വൈസ് പ്രസിഡന്റ് ജെയ്‌സണ്‍ പാറേക്കാടന്‍, പയസ് കണ്ടംകുളത്തി, ജോണ്‍ ഫ്രാന്‍സിസ് കണ്ടംകുളത്തി, അഡ്വ.ടി.ജെ.തോമസ് തൊഴുത്തുംപറമ്പില്‍ എന്നിവര്‍ പത്രസമ്മേളനത്തില്‍ അറിയിച്ചു.
59-ാമത് ക്രൈസ്റ്റ് കോളേജ് കണ്ടംകുളത്തി സൗത്ത് ഇന്ത്യന്‍ ഇന്റര്‍ കോളേജിയേറ്റ് ഫുട്‌ബോള്‍ ടൂര്‍ണ്ണമെന്റ് ഫെബ്രുവരി 3 മുതല്‍ 7 വരെ
Popular Categories
Previous article![]( "വിശ്വനാഥപുരം ക്ഷേത്രത്തില്‍ ആന ഇടഞ്ഞോടി ആളപയാമില്ല")
Next article![]( "ഷഷ്ഠി മഹോത്സവത്തിന് ദാഹജലം നല്‍കി മുസ്ലീം ലീഗ് പ്രവര്‍ത്തകര്‍")
