ഇരിങ്ങാലക്കുട : യശാശരീരനായ സുപ്രസിദ്ധകഥകളി നടന്‍ പള്ളിപ്പുറം ഗോപാലന്‍നായരാശാന്റെ സ്മരണ നിലനിര്‍ത്തുന്നതിനു വേണ്ടി രൂപീകരിച്ചിട്ടുള്ള പള്ളിപ്പുറം ഗോപാലന്‍നായരാശാന്‍ അനുസ്മരണസമിതി വര്‍ഷം തോറും സമ്മാനിക്കുന്ന ആശാന്റെ പേരിലുള്ള സുവര്‍ണ്ണമുദ്ര, കലാനിലയം പ്രിന്‍സിപ്പലായിരുന്ന കലാമണ്ഡലം അപ്പുമാരാര്‍ക്കാണ്, ഈ വര്‍ഷം സമ്മാനിക്കുന്നത്. ഒക്ടോബര്‍ 2-ാംതിയ്യതി ഉണ്ണായിവാര്യര്‍ സ്മാരക കലാനിലയത്തില്‍ വച്ച് വൈകുന്നേരം 6 മണിക്ക് പ്രൊഫ.ലക്ഷ്മണന്‍നായരുടെ അദ്ധ്യക്ഷതയില്‍ മാതൃഭൂമി ന്യൂസിലെ എം.പി.സുരേന്ദ്രന്‍ ഉദ്ഘാടനം ചെയ്യുന്ന സമ്മേളനത്തില്‍വച്ച് ഐ.സി.എല്ലിലെ കെ.ജി.അനില്‍കുമാര്‍ ആയിരിക്കും ഉപഹാരം സമര്‍പ്പിക്കുക. അതേ സമ്മേളനത്തില്‍വെച്ച് തന്നെ കലാനിലയം മോഹനന്‍കുമാര്‍, കലാമണ്ഡലം രവീന്ദ്രന്‍ എന്നിവരുടെ പേരിലുള്ള ഉപഹാരങ്ങള്‍ വിശ്വജിത്ത്തമ്പാന്‍, നന്ദനകൃഷ്ണ എന്നിവര്‍ക്ക് രാജഗോപാല്‍ സമ്മാനിക്കും. പ്രൊഫ.സാവിത്രി ലക്ഷ്മണന്‍, കലാമണ്ഡലം നാരായണന്‍ എമ്പ്രാന്തിരി, കലാനിലയം ഗോപി, അമ്പിളിജയന്‍, സതീഷ് വിമലന്‍, അഗ്നിശര്‍മ്മന്‍, രാജേഷ്തമ്പാന്‍, ജയന്തിദേവരാജ് തുടങ്ങിയവര്‍ പങ്കെടുക്കും. പൊതുസമ്മേളനത്തിനു മുന്‍പ് 3.30 മുതല്‍ ആരംഭിക്കുന്ന, അഡ്വ. ഗിരിജാവല്ലഭന്‍ അദ്ധ്യക്ഷതതിയില്‍ നടക്കുന്ന അനുസ്മരണസമ്മേളനത്തില്‍ റഷീദ്കാറളം, ബാലകൃഷ്ണന്‍ അഞ്ചത്ത്, കലാനിലയം രാഘവന്‍ എന്നിവരുടെ അനുസ്മരണ പ്രഭാഷണങ്ങള്‍ ഉണ്ടാകും. കലാനിലയം സഞ്ജയ്, കലാമണ്ഡലം ശിവദാസ്, കലാനിലയം കരുണാകരക്കുറുപ്പ് തുടങ്ങിയവരും പങ്കെടുക്കുന്ന അനുസ്മരണസമ്മേളനത്തെത്തുടര്‍ന്ന്, പൊതുസമ്മേളനത്തിനുമുന്‍പ് വാസുദേവ് തമ്പാന്‍, ഗംഗഉദയന്‍നമ്പൂതിരി, യദുകൃഷ്ണന്‍ഗോപിനാഥന്‍ എന്നിവര്‍ അവതരിപ്പിക്കുന്ന കഥകളിപുറപ്പാടും പൊതുസമ്മേളനത്തിനുശേഷം ഡോ.കെ.ആര്‍.രാജീവ്, കലാനിലയം കരുണാകരക്കുറുപ്പ് കലാനിലയം മനോജ് തുടങ്ങിയപ്രമുഖര്‍ പങ്കെടുക്കുന്ന കുചേല വൃത്തം കഥകളിയും ഉണ്ടായിരിക്കും. ഏങ്ങൂര്‍ രാജനാണ് കഥകളി സ്‌പോണ്‍സര്‍ ചെയ്തീരിക്കുന്നതെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
Popular Categories
Previous article![പടിയൂര്‍ സ്വദേശി ഡല്‍ഹിയില്‍ വാഹനാപകടത്തില്‍ മരിച്ചു]( "പടിയൂര്‍ സ്വദേശി ഡല്‍ഹിയില്‍ വാഹനാപകടത്തില്‍ മരിച്ചു")
Next article![ചിറ്റിലപ്പിള്ളി പൊഴോലിപറമ്പില്‍ കുടുംബയോഗത്തിന്റെ 25-ാം വാര്‍ഷികം ഒക്ടോബര്‍ 2ന്]( "ചിറ്റിലപ്പിള്ളി പൊഴോലിപറമ്പില്‍ കുടുംബയോഗത്തിന്റെ 25-ാം വാര്‍ഷികം ഒക്ടോബര്‍ 2ന്")
