കേരള എന്‍.ജി.ഒ അസോസിയേഷന്‍ ഇരിങ്ങാലക്കുട ബ്രാഞ്ച് സമ്മേളനം കെ.പി. സി. സി ജനറല്‍ സെക്രട്ടറി എം.പി.ജാക്‌സണ്‍ ഉദ്ഘാടനം ചെയ്തു

131
Advertisement

കേരള എന്‍.ജി.ഒ അസോസിയേഷന്‍ ഇരിങ്ങാലക്കുട ബ്രാഞ്ചിന്റെ നാല്‍പത്തിയഞ്ചാം വാര്‍ഷിക സമ്മേളനം കെ.പി. സി. സി ജനറല്‍ സെക്രട്ടറി എം. പി ജാക്‌സണ്‍ ഉദ്ഘാടനം ചെയ്തു. പതിനൊന്നാം ശമ്പള പരിഷ്‌കരണം അടിയന്തിരമായി അനുവദിക്കണമെന്നും, ആരോഗ്യ ഇന്‍ഷുറന്‍സ് പദ്ധതിയിലെ അപാകതകള്‍ പരിഹരിച്ചു മാത്രമേ മെഡിസെപ് പദ്ധതി നടപ്പിലാക്കാവൂ എന്നും, പതിനൊന്നാം ശമ്പളപരിഷ്‌കരണം കുടിശ്ശികയായതിനാല്‍ ഇടക്കാല ആശ്വാസവും പുതിയ ക്ഷാമബത്തയും അനുവദിക്കണമെന്നും ഇരിങ്ങാലക്കുട ടൗണ്‍ കോ ഓപ്പറേറ്റിവ് ബാങ്ക് ഓഡിറ്റോറിയത്തില്‍ വച്ചു നടന്ന സമ്മേളനത്തില്‍ അദ്ദേഹം ആവശ്യപ്പെട്ടു. ബ്രാഞ്ച് പ്രസിഡന്റ് വി.എസ് സിജോയ് അധ്യക്ഷത വഹിച്ചു. ജില്ലാ പ്രസിഡന്റ് കെ.പി ജോസ്, ജില്ലാ സെക്രട്ടറി സന്തോഷ് തോമസ്, സംസ്ഥാന സെക്രട്ടറിയേറ്റ് അംഗങ്ങളായ കെ. എസ് മനോജ്, ടി.ജി രഞ്ജിത്ത് തുടങ്ങിയവര്‍ പ്രസംഗിച്ചു. ബ്രാഞ്ച് സെക്രട്ടറി പി. ആര്‍ കണ്ണന്‍ സ്വാഗതവും ട്രഷറര്‍ എം. പി ദില്‍രാജ് നന്ദിയും പറഞ്ഞു.

 

Advertisement