ലോപ്പന്‍ നമ്പാടന്‍ മാസ്റ്ററുടെ 6-ാ ചരമ വാര്‍ഷികം ഇരിങ്ങാലക്കുട ടൗണ്‍ഹാളില്‍ നടന്നു

201
Advertisement

ഇരിങ്ങാലക്കുട : ലാളിത്യമാര്‍ന്ന വ്യക്തിജീവിതത്തിലൂടെയും നര്‍മ്മ മധുരമായ സംഭാഷണത്തിലൂടെയും കാപട്യരഹിതമായ ഇടപെടലുകളിലൂടെയും കേരളചരിത്രത്തില്‍ ശ്വലിച്ചു നിന്ന നമ്പാടന്‍ മാസ്റ്റര്‍ മരിച്ചിട്ട് ജൂണ്‍ 6ന് 6 വര്‍ഷം തികയുന്നു. കേരളചരിത്രത്തിലെ ഒരു ശുഭ നക്ഷത്രമായിരുന്നു നമ്പാടന്‍മാസ്റ്റര്‍. ഇരിങ്ങാലക്കുടയുടെ അടിസ്ഥാനവികയനത്തിനും പരിപോഷണത്തിനും വേണ്ടി അദ്ദേഹം ചെയ്തിട്ടുള്ള സേവനങ്ങള്‍ വിലമതിക്കാത്തവയാണ്. പതിവുപോലെ ഈ വര്‍ഷവും നമ്പാടന്‍മാസ്റ്ററുടെ അനുസ്മകണദിനം സമുചിതമായി ആചരിച്ചു. ചടങ്ങ് എക്‌സ്.എം.പി.എം.ബി.രാജേഷ് ഉദ്ഘാടനം ചെയ്തു. സംഘാടകസമിതി ചെയര്‍മാന്‍ പ്രൊഫ.സി.ജെ.ശിവശങ്കരന്‍ അധ്യക്ഷത വഹിച്ചു. ഇരിങ്ങാലക്കുട മേഖലയില്‍ എസ്എസ്എല്‍സി, +2 പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളേയും നൂറുശതമാനം ലഭിച്ച സ്‌കൂളുകളേയും അനുമോദിച്ചു. പഠന മികവ് നേടിയവര്‍ക്ക് കാലടി ശ്രീശങ്കരാചാര്യ സംസ്‌കൃത സര്‍വ്വകലാശാല പ്രൊ.വൈസ് ചാന്‍ലര്‍ ഡോ.കെ.എസ്.രവികുമാറും, നൂറുശതമാനം ലഭിച്ച സ്‌കൂളുകള്‍ക്കുള്ള അവാര്‍ഡ് ദാനം ഇരിങ്ങാലക്കുട എം.എല്‍.എ. കെ.യു.അരുണന്‍ എന്നിവര്‍ നല്‍കി.

Advertisement