ഇരിങ്ങാലക്കുട- പുല്ലൂര് സര്വ്വീസ് സഹകരണബാങ്കിന്റെ സ്മാര്ട്ട് – പുല്ലൂര് പദ്ധതിയുടെ ഭാഗമായി വിദ്യാര്ത്ഥികള്ക്കായി ചെസ്സ് പരിശീലനം ആരംഭിച്ചു. തൃശൂര് ജില്ലാ ചെസ്സ് അസോസിയേഷനുമായി സഹകരിച്ചാണ് പരിശീലനക്യാമ്പ് സംഘടിപ്പിച്ചിരിക്കുന്നത് . മിനിസഹകരണ ഹാളില് വച്ച് നടക്കുന്ന ചെസ്സ് പരിശീലന ക്യാമ്പ് ബാങ്ക് പ്രസിഡന്റ് ജോസ് ജെ ചിറ്റിലപ്പിള്ളി ഉദ്ഘാടനം ചെയ്തു. വൈസ് പ്രസിഡന്റ് കെ സി ഗംഗാധരന് അധ്യക്ഷത വഹിച്ചു. തൃശൂര് ജില്ലാ ചെസ്സ് അസോസിയേഷന് സെക്രട്ടറി പീറ്റര് ജോസ് മുഖ്യാതിഥിയായിരുന്നു. ഭരണസമിതിയംഗങ്ങളായ രാധ സുബ്രഹ്മണ്യന്, എന് കെ കൃഷ്ണന് , വാസന്തി അനില്കുമാര്, തോമാസ് കാട്ടൂക്കാരന് , അനീഷ് എന് സി , ഐ എന് രവി , ഷീല ജയരാജ്, സുജാതാ മുരളി , സെക്രട്ടറി സപ്ന സി എസ് തുടങ്ങിയവര് ആശംസകളര്പ്പിച്ചു. ഭരണസമിതിയംഗങ്ങളായ അനൂപ് പായമ്മല് സ്വാഗതവും, രാജേഷ് പി വി നന്ദിയും പറഞ്ഞു
