ഇരിങ്ങാലക്കുട : പഠനം എന്നത് പുസ്തകങ്ങളില് മാത്രം ഒതുങ്ങുന്ന ഒന്നല്ല എന്ന തിരിച്ചറിവില് പഠിച്ച വിദ്യ സേവന മേഖലയിലേയ്ക്ക് കൂടി വഴിതിരിച്ച് വിടുകയാണ് ഇരിങ്ങാലക്കുട ക്രൈസ്റ്റ് എഞ്ചിനിയറിംങ്ങ് കോളേജ്.കോളേജിലെ മെക്കാനിക്കല് എഞ്ചിനീയറിംങ്ങ് അസോസിയേഷന്റെ നേതൃത്വത്തില് വിദ്യാര്ത്ഥികള് തന്നേ രൂപകല്പന ചെയ്ത് സ്വയം നിര്മ്മിച്ച വീല് ചെയറുകള് ജില്ലയിലെ നിര്ദ്ധനരായ രോഗികള്ക്കാശ്വമായി നല്കുന്നു.വീല് കെയര് എന്ന് നാമകരണം ചെയ്തിരിക്കുന്ന പദ്ധതിയുടെ സംസ്ഥാനതല ഉദ്ഘാടനം ഏപ്രില് 13ന് വെള്ളിയാഴ്ച്ച രാവിലെ 9 മണിയ്ക്ക് വിദ്യാഭ്യാസ മന്ത്രി പ്രൊഫ. സി രവിന്ദ്രനാഥ് നിര്വഹിക്കും.പദ്ധതിയുടെ ആലോചന തുടങ്ങിയ സമയത്ത് തന്നേ ജില്ലാ,താലൂക്ക് ആശുപത്രിയിലെയും,പാലിയേറ്റീവ് കെയര് യൂണിറ്റുകളും നേരീട്ട് സന്ദര്ശിച്ച് രോഗികളുടെയും ഡോക്ടര്മാരുടെയും വീല്ചെയര് എങ്ങനേ വേണമെന്ന ആവശ്യകത മനസിലാക്കിയാണ് ഓരോ വീല്ചെയറും നിര്മ്മിച്ചിരിക്കുന്നത്.പദ്ധതിയ്ക്ക് സമൂഹത്തിലെ വിവിധതലത്തില് നിന്നും സ്പോണ്ഷര്ഷിപ്പ് ലഭിച്ചതോടെ പദ്ധതിയുടെ ആദ്യഘട്ടമായി 37 വീല്ചെയറുകള് പൂര്ത്തിയാവുകയായിരുന്നു.എം എല് എ കെ യു അരുണന് എം എല് എ പ്രൊഫ. കെയു അരുണന് അദ്ധ്യക്ഷത വഹിക്കുന്ന യോഗത്തില് എം പി സി എന് ജയദേവന് മുഖ്യപ്രഭാഷണം നടത്തും.ചെയര്പേഴ്സണ് നിമ്യാഷിജു,ദേവമാത പ്രൊവിന്ഷ്യാല് ഫാ.വാള്ട്ടര് തേലപ്പിള്ളി,കോളേജ് എക്സിക്യൂട്ടിവ് ഡയറക്ടര് ഫാ.ജോണ് പാലിയേക്കര തുടങ്ങിയവര് സംസാരിക്കും.
