ഇരിങ്ങാലക്കുടയിലെ രജിസ്റ്റേര്‍ഡ് ക്ലബുകള്‍ക്കായി സ്പോര്‍ട്സ് കിറ്റുകള്‍ വിതരണം ചെയ്തു

421

ഇരിഞ്ഞാലക്കുട : നഗരസഭയുടെ 2017-18 സാമ്പത്തിക വര്‍ഷത്തെ ജനകീയാസൂത്രണ പദ്ധതിയില്‍ ഉള്‍പ്പെടുത്തികൊണ്ട് യുവതലമുറക്ക് കായികപരിശീലനത്തിനുവേണ്ടി നഗരസഭ പ്രദേശത്തെ രജിസ്റ്റേര്‍ഡ് ക്ലബുകള്‍ക്കുള്ള സ്പോര്‍ട്സ് കിറ്റുകളുടെ വിതരണം 2018 ഏപ്രില്‍ 10-ാം തിയ്യതി രാവിലെ 10 മണിക്ക് മുന്‍സിപ്പല്‍ ഓഫീസ് അങ്കണത്തില്‍ വച്ച് നഗരസഭ ചെയര്‍പേഴ്സണ്‍ നിമ്യ ഷിജു നിര്‍വഹിച്ചു.ചടങ്ങില്‍ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എം ആര്‍ ഷാജു അധ്യക്ഷത വഹിച്ചു.ആശംസകള്‍ അര്‍പ്പിച്ചു കൊണ്ട് ആരോഗ്യസ്റ്റാന്റിംഗ് കമ്മിറ്റി ചെയര്‍മാന്‍ പി എ അബ്ദുള്‍ ബഷീര്‍ ,കൗണ്‍സിലര്‍ പി വി ശിവകുമാര്‍ എന്നിവര്‍ സംസാരിച്ചു.ചടങ്ങില്‍ കൗണ്‍സിലര്‍മാരായ സുജ സഞ്ജീവ് കുമാര്‍ ,സിസി ഷിബിന്‍ ,എം സി രമണന്‍ ,സിന്ധു ബൈജന്‍ ,ജിനി മാത്യു ,ബേബി ജോസ് കാട്ള എന്നിവര്‍ പങ്കെടുത്തു.യോഗത്തിന് നഗരസഭ സെക്രട്ടറി ഒ എന്‍ അജിത് കുമാര്‍ സ്വാഗതവും മുന്‍സിപ്പല്‍ യൂത്ത് കോ-ഓര്‍ഡിനേറ്റര്‍ പ്രവീണ്‍സ് ഞാറ്റുവെട്ടി നന്ദിയും രേഖപ്പെടുത്തി.

Advertisement