ഇരിങ്ങാലക്കുട: ഠാണാ-ബസ് സ്റ്റാന്റ് റോഡ് നവീകരണത്തിന്റെ രണ്ടാംഘട്ടത്തിന്റെ ഭാഗമായി പോസ്റ്റ് ഓഫീസ് മുതല് ആല്ത്തറ ഭാഗം വരെയുള്ള 100 മീറ്റര് പഴയ പൊട്ടിയ പൈപ്പുകള് മാറ്റിയിടുന്ന പ്രവൃത്തികള് വാട്ടര് അതോറിറ്റി ബുധനാഴ്ച ആരംഭിച്ചതോടെ ബസ്സ്റ്റാന്റ് പരിസരത്ത് ഗതാഗത കുരുക്ക് രൂക്ഷമായി. ഠാണ- ബസ് 
സ്റ്റാന്റ് റോഡില് ബുധനാഴ്ച മുതല് ഗതാഗതം നിരോധിച്ചതായി പൊതുമരാമത്ത് വകുപ്പ് അറിയിച്ചിരുന്നു. എന്നാല് ബുധനാഴ്ച്ച രാവിലെ മുതല് വാഹനങ്ങളെ വഴി തിരിച്ച് വിടുന്നതിനായി പോലിസോ സുചനാ ബോര്ഡുകളോ ഉണ്ടാകാതിരുന്നത് ഗതാഗതകുരുക്ക് രൂക്ഷമാക്കുവാന് ഇടയാക്കി.സ്ഥിരമായി വാട്ടര് പെപ്പ് പൊട്ടുന്ന ഇവിടെ കോണ്ക്രീറ്റിംങ്ങ് നടത്തുന്നതിന് മുന്നോടിയായാണ് പഴയ ചോര്ച്ചയുള്ള കാസ്റ്റ് അയേണ് പൈപ്പ് മാറ്റി പി വി സി പൈപ്പ് ഇടുന്നത്.പൈപ്പിടല് പൂര്ത്തിയാകുന്നതനുസരിച്ച് ആല്ത്തറയ്ക്കലടക്കം റോഡിലെ തകര്ന്നുപോയ കോണ്ക്രീറ്റ് സ്ലാബുകള് മാറ്റുന്ന പ്രവര്ത്തികള് ആരംഭിയ്ക്കും.വരും ദിവസങ്ങളിലും റോഡില് പണിനടക്കുന്നതിനാല് ഗതാഗതകുരുക്ക് ഒഴിവാക്കുന്നതിനായി ബസ് സ്റ്റാന്റ് പരിസരത്തുനിന്നും പുറപ്പെടുന്ന വാഹനങ്ങള് ബൈപ്പാസ് വഴിയും ഠാണായില് നിന്നും വരുന്ന വാഹനങ്ങള് ചന്തക്കുന്ന് വഴി ടൗണ് ഹാള് റോഡിലൂടെ ഇരിങ്ങാലക്കുട ടൗണില് പ്രവേശിക്കേണ്ടതാണെന്ന് പൊതുമരാമത്ത് വകുപ്പ് അറിയിച്ചു.
റോഡ് പണി : ബസ്സ്റ്റാന്റ് പരിസരത്ത് ഗതാഗത കുരുക്ക് രൂക്ഷമായി.
Popular Categories
Previous article![]( "ഓടകളിലേയ്ക്ക് മാലിന്യം ഒഴുക്കുന്നവരെ കണ്ടെത്താന് നഗരസഭ നടപടി ആരംഭിച്ചു.")
Next article![]( "ഇരിങ്ങാലക്കുട വെസ്റ്റ് താണിശ്ശേരി ലിറ്റില് ഫ്ളവര് എല്.പി. സ്കൂളിന്റെ 90-ാമത് വാര്ഷികഘോഷം ഫെബ്രുവരി 17ന്")
