നടവരമ്പ് : ഗവ.മോഡല്‍ ഹയര്‍സെക്കന്റണ്ടറി സ്‌കൂളിലെ പൂര്‍വ്വ വിദ്യാര്‍ത്ഥി,അദ്ധ്യാപക സംഗമം ‘ ഓര്‍മ്മകളുടെ ഒരു സായഹ്നം ‘ ജനുവരി 14 വൈകീട്ട് 4ന് നടക്കും.സ്‌കൂള്‍ ശതാബ്ദി ആഘോഷ പ്രഖ്യാപനം,ഇന്റര്‍നാഷ്ണല്‍ സ്‌കൂള്‍ ലോഗോ പ്രകാശനം,സ്‌കൂളിനെ സംബദ്ധിച്ച് തയ്യാറാക്കിയ മ്യൂസിക്ക് വിഡിയോ ‘ ഓര്‍മ്മപച്ച’ പ്രകാശനം,മുതിര്‍ന്ന അദ്ധ്യാപകരെ ആദരയ്ക്കല്‍.വിദ്യാര്‍ത്ഥികള്‍ക്കുള്ള പഠന സഹായവിതരണം,സ്‌കൂളില്‍ ഉത്പാദിപ്പിച്ച ജൈവഅരി വില്‍പ്പന ഉദ്ഘാടനം തുടങ്ങി ഒട്ടനവധി പരിപാടികളാണ് അന്നേദിവസം നടക്കുന്നത്.കൃഷി വകുപ്പ് മന്ത്രി വി എസ് സുനില്‍കുമാര്‍ പരിപാടികള്‍ ഉദ്ഘാടനം ചെയ്യും.പ്രൊഫ.കെ യു അരുണന്‍ എം എല്‍ എ അദ്ധ്യക്ഷത വഹിയ്ക്കുന്ന യോഗത്തില്‍ സിനിമാതാരം ശ്രീനിവാസന്‍ മുഖ്യാതിഥിയായി പങ്കെടുക്കും. എം പി മാരായ സി എന്‍ ജയദേവന്‍,ടി വി ഇന്നസെന്റ്,മുന്‍ എം എല്‍ എ തോമസ് ഉണ്ണിയാടന്‍,കേരള സാഹിത്യഅക്കാദമി പ്രസിഡന്റ് വൈശാഖന്‍,കവി ഏങ്ങണ്ടിയൂര്‍ ചന്ദ്രശേഖരന്‍,വെള്ളാങ്കല്ലൂര്‍ ബ്ലോക്ക് പ്രസിഡന്റ് ഷാജി നക്കര,വേളൂക്കര പഞ്ചായത്ത് പ്രസിഡന്റ് ഇന്ദിര തിലകന്‍,കൗണ്‍സിലര്‍ സോണിയ ഗിരി എന്നിവര്‍ സംബദ്ധിക്കും.
