മുരിയാട് : മുരിയാട് പഞ്ചായത്തിനെ തരിശ് രഹിത പഞ്ചായത്താക്കുന്ന പ്രവര്‍ത്തനത്തിന്റെ ഭാഗമായി 17-ാം വാര്‍ഡിലെ കൃഷി ചെയ്യാതെ കിടന്നിരുന്ന മുഴുവന്‍ ഭൂമികളും മുരിയാട് കൃഷിഭവന്റെയും കുടുംബശ്രീ സന്നദ്ധ സംഘടനകള്‍ എന്നിവയുടെ നേതൃത്വത്തില്‍ സര്‍വ്വേ നടത്തി കണ്ടെത്തി കൃഷി ഇറക്കുന്നു.42 ഓളം തൊഴിലുറപ്പ് തൊഴിലാളികളുടെ നേതൃത്വത്തിലാണ് കൃഷിയിറക്കുന്നത്.ഡോ.എന്‍ എസ് രേഖയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ വാര്‍ഡംഗം എ എം ജോണ്‍സണ്‍ കൃഷിയിറക്കല്‍ ഉദ്ഘാടനം ചെയ്തു.വിജയന്‍ വാര്യര്‍,രാധകുട്ടന്‍ എന്നിവര്‍ സംസാരിച്ചു.
Advertisement
