നീർമാതളം പുരസ്കാരം റെജില ഷെറിൻ ഏറ്റുവാങ്ങി

ഇരിങ്ങാലക്കുട:തിരുവനന്തപുരം സാഹിതിയുടെ ഈ വർഷത്തെ മികച്ച കവിത സമാഹരത്തിന് മാധവികുട്ടിയുടെ പേരിൽ ഏർപ്പെടുത്തിയിട്ടുള്ള നീർമാതള പുരസ്കാരം ഇരിങ്ങാലക്കുടയുടെ പ്രിയ കവയത്രി റെജില ഷെറിൻ തിരുവനന്തപുരം ബി.ഹബ്ബ് ഓഡിറ്റോറിയത്തിൽ (യു.എ.ഖാദർ നഗർ) വച്ച് കേരള നിയമസഭ ഡെപ്യൂട്ടി സ്പീക്കർ വി.ശശിയിൽ നിന്നും ഏറ്റുവാങ്ങി. അഭിവന്ദ്യ കർദിനാൾ ബസേലിയസ് ക്ലീമിസ്സ് കതോലിക്ക ബാവ ചടങ്ങിന്റെ ഉത്ഘാടനം നിർവ്വഹിച്ചു. മുൻ മന്ത്രി വി.സി.കബീർ, വയലാർ അവാർഡ് ജേതാവ് വി.ജെ.ജെയിംസ്, പള്ളിയറ ശ്രീധരൻ, കെ.ദേവകി എന്നീ പ്രമുഖർ ചടങ്ങിൽ സന്നിഹിതരായിരുന്നു.റെജില ഷെറിന്റെ ഖമർ പാടുകയാണ് എന്ന കവിത സമാഹരത്തിനാണ് പുരസ്കാരം ലഭിച്ചത്. പു.ക.സ ജില്ല കമ്മിറ്റി അംഗവും സാംസ്കാരിക പ്രവർത്തകനുമായ ഷെറിൻ അഹമ്മദിന്റെ ഭാര്യയാണ്. എം.ബി.ബി.എസ് വിദ്യാർത്ഥി അർഷക്ക് ആലിം അഹമ്മദ്, പോളി ടെക്നിക് വിദ്യാർത്ഥി അമൻ അഹമ്മദ് എന്നിവർ മക്കളാണ്.