ഇരിങ്ങാലക്കുട : ഇരിങ്ങാലക്കുട സോഷ്യല്‍ വെല്‍ഫെയര്‍ കോ-ഓപ്പറേറ്റീവ് സൊസൈറ്റി പ്ലാസ്റ്റിക്കിന് എതിരായ പോരാട്ടം, സ്ത്രീശാക്തീകരണം എന്നിവ മുന്‍ നിര്‍ത്തി 2017 ഒക്ടോബര്‍ 2 ന് ആരംഭിച്ച പ്രസ്ഥാനമാണ് നീതി സ്റ്റിച്ചിങ് യൂണിറ്റ് പൂര്‍ണമായും കോട്ടന്‍ തുണിയില്‍ നിര്‍മ്മിക്കുന്ന സഞ്ചികളാണ് യൂണിറ്റിന്റെ പ്രത്യേകത. കഴിഞ്ഞ 2 വര്‍ഷക്കാലമായി വിവിധ സംഘടനകളുമായി സഹകരിച്ചു ലക്ഷക്കണക്കിന് തുണിസഞ്ചികള്‍ ജില്ലയുടെ വിവിധ ഭാഗങ്ങളിലായി വിതരണം ചെയ്യുന്നതിന് സംഘത്തിന് സാധിച്ചിട്ടുണ്ട്. 2019 ഒക്ടോബര്‍ 2 ഗാന്ധി ജയന്തി ദിനത്തില്‍ രണ്ടാം വാര്‍ഷിക ആഘോഷത്തിന്റെ ഭാഗമായി ഇരിങ്ങാലക്കുടയിലെ എല്ലാ വീടുകളിലും തുണിസഞ്ചി എന്ന പദ്ധതി നടപ്പിലാക്കാന്‍ ഒരുങ്ങുകയാണ് യൂണിറ്റ് . നിയോജകമണ്ഡലത്തിലെ എല്ലാ വീടുകളും ഒരുതുണിസഞ്ചി എന്ന കണക്കില്‍ അരലക്ഷം തുണിസഞ്ചി വിതരണം ചെയ്യുകയാണ് പദ്ധതി ലക്ഷ്യം. പദ്ധതിയുടെ ഔപചാരിക ഉദ്ഘാടനം ഇരിങ്ങാലക്കുട എം.എല്‍.എ. പ്രൊഫ.കെ.യു. അരുണന്‍ മാസ്റ്റര്‍ നിര്‍വ്വഹിക്കും. സംഘം പ്രസിഡന്റ് അഡ്വ.എം.എസ്.അനില്‍കുമാര്‍ അധ്യക്ഷത വഹിക്കും.
ഇരിങ്ങാലക്കുട സോഷ്യല്‍ വെല്‍ഫെയര്‍ കോ ഓപ്പറേറ്റീവ് സൊസൈറ്റി ഇരിങ്ങാലക്കുട നിയോജക മണ്ഡലത്തില്‍ അരലക്ഷം തുണിസഞ്ചി വിതരണം ചെയ്യുന്നു
Popular Categories
Previous article![]( "തള്ളിയകാട്ടില്‍ കൂവ്വക്കാടന്‍ ആന്റു ഭാര്യ ആനി (69) വയസ്സ് നിര്യാതയായി")
Next article![]( "മുത്തൂറ്റ് ഫിനാന്‍സ് ജീവനക്കാരുടെ സമരത്തിന് സി.ഐ.ടി.യു.ഐക്യദാര്‍ഢ്യം")
