ഇരിങ്ങാലക്കുട- ലോകത്തെ മുഴുവന്‍ ആവേശതിമിര്‍പ്പിലാക്കികൊണ്ടിരിക്കുന്ന ലോകകപ്പ് ഫുട്‌ബോള്‍ മത്സരത്തിന്റെ പ്രചരണാര്‍ത്ഥവും ,ലഹരിക്കെതിരെ ബോധവത്ക്കരണം നടത്തുന്നതിന്റെയും ഭാഗമായി ഗവ.മോഡല്‍ ബോയ്‌സ് വൊക്കേഷണല്‍ ഹയര്‍സെക്കന്ററി സ്‌കൂള്‍,ഇരിങ്ങാലക്കുടയുടെ എന്‍ എസ് എസ് യൂണിറ്റ് തണല്‍ ,ഇരിങ്ങാലക്കുട എക്‌സൈസ് വകുപ്പിന്റെയും (വിമുക്തി മിഷന്‍ ) ,ഇരിങ്ങാലക്കുട നഗരസഭയുടെയും പത്തോളം വിദ്യാഭ്യാസ സ്ഥാപനങ്ങളിലെ എന്‍ എസ് എസ് കുടുംബാംഗങ്ങളുടെയും സഹകരണത്തോടെ ‘ലഹരിക്കെതിരെ ഒരു ഗോള്‍ ‘ എന്ന മത്സരം അയ്യങ്കാവ് മൈതാനത്ത് വച്ച് തൃശ്ശൂര്‍ അസി.എക്‌സൈസ് കമ്മീഷണര്‍ ഷാജി എസ് .രാജന്‍ ഉദ്ഘാടനം ചെയ്തു.നഗരസഭ കലാ കായിക സ്റ്റാന്‍ഡിംഗ് കമ്മിറ്റി ചെയര്‍മാന്‍ എം ആര്‍ ഷാജു അദ്ധ്യക്ഷത വഹിച്ചു. നഗരസഭ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി സി വര്‍ഗ്ഗീസ് മുഖ്യാതിഥിയായിരുന്നു.നഗരസഭ സ്റ്റാന്‍ഡിംഗ് കമ്മിറ്റി ചെയര്‍മാന്‍ പി എ അബ്ദുള്‍ ബഷീര്‍ ,കൗണ്‍സിലര്‍മാരായ സോണിയ ഗിരി ,സ്റ്റാന്‍ഡിംഗ് കമ്മിറ്റി ചെയര്‍മാന്‍ എം സി രമണന്‍ ,സിബിന്‍ ,സംഗീത ഫ്രാന്‍സിസ് ,എന്‍ എസ് എസ് കോര്‍ഡിനേറ്ററായ മഞ്ജു ടീച്ചര്‍ എന്നിവര്‍ ആശംസകള്‍ അര്‍പ്പിച്ചു
