ഇരിഞ്ഞാലക്കുട: ക്രൈസ്റ്റ് കോളേജിൽ ബോട്ടണി ഡിപ്പാർട്മെൻറ് സംഘടിപ്പിക്കുന്ന ബയോഇൻഫർമാറ്റിക്സ് വിഷയത്തിൽ ദ്വിദിന ദേശീയ ശില്പശാലക്ക് തുടക്കമായി.
ബയോഇൻഫർമാറ്റിക്സ് മേഖലയിൽ അത്യാധുനിക ജീവശാസ്ത്ര സംബന്ധമായ അറിവ് പങ്കുവെക്കുന്നതിനാണ് ശിൽപ്പശാല ലക്ഷ്യമിടുന്നത്. കേരളത്തിലെ വിവിധ കോളേജുകളിൽനിന്നും അദ്ധ്യാപകർ, ഗവേഷകർ, വിദ്യാർഥികൾ എന്നിവർ പങ്കെടുക്കുന്നു. ശിൽപ്പശാലയിൽ ഫോറസ്ററ് റിസർച് ഇൻസ്റ്റിറ്റ്യൂട്ട് ഡെറാഡൂൺലെ മോളിക്യൂലർ ടാക്സോണമി ലാബ് ടെക്നിക്കൽ അസിറ്റന്റ് ഡോ. ഭവ്യ മിശ്ര, കാലിക്കറ്റ് സർവകലാശാലയിലെ ബയോടെന്നോളജി വകുപ്പ് പ്രൊഫസറായ ഡോ. നിധീഷ് റോയ് എന്നിവർ വിഷയവിദഗ്ധരായി പങ്കെടുക്കുന്നു.
കോളേജ് പ്രിൻസിപ്പൽ ഫാ. ഡോ. ജോളി ആൻഡ്രൂസ് ഉൽഘടനം നിർവഹിച്ചു. മാനേജർ ഫാ. ജോയ് പി. ടി., സ്വാശ്രയ വിഭാഗം കോർഡിനേറ്റർ ഡോ. ടി. വിവേകാനന്ദൻ, കോഴ്സ് കോർഡിനേറ്റർ പ്രൊഫ. ഇ. ജെ. വിൻസന്റ്, പ്രൊഫ. ജേക്കബ് എബ്രഹാം പുളിക്കൽ, ഡോ. സൗമ്യ ആർ., ഓർഗനൈസിംഗ് സെക്രട്ടറി ഡോ. വിഷ്ണു മോഹൻ എന്നിവർ ചടങ്ങിൽ സംസാരിച്ചു. ശിൽപ്പശാല ഓഗസ്റ്റ് 6 നു സമാപിക്കും
