ഇരിങ്ങാലക്കുട : കാട്ടുങ്ങച്ചിറ പോലിസ് സ്‌റ്റേഷന് സമീപം ശനിയാഴ്ച്ച ഉച്ചയോടെ നടന്ന ബൈക്കപകടത്തില്‍ ചേലൂര്‍ സ്വദേശി കാട്ടികുളത്തിന് സമീപമുള്ള മാരാത്ത് വീട്ടില്‍ പ്രസാദ് (36) മരണപ്പെട്ടു.ചന്തകുന്നിലെ സിസിടിവി ഷോപ്പില്‍ വര്‍ക്ക് ചെയ്യുന്ന യുവാവ് ജോലി ആവശ്യത്തിനായി നന്ദിക്കരയിലേയ്ക്ക് പോകുന്നതിനിടെ അമിത വേഗത്തില്‍ മറ്റൊരു വാഹനത്തേ മറികടക്കുന്നതിനിടെ നിര്‍ത്തിയിട്ടിരുന്ന മിനിവാനില്‍ ഇടിക്കുകയായിരുന്നുവെന്ന് നാട്ടുക്കാര്‍ പറയുന്നു.ഹെല്‍മെറ്റ് ധരിക്കാതിരുന്ന പ്രസാദ് തലക്കേറ്റ പരിക്കില്‍ സംഭവസ്ഥലത്ത് തന്നേ മരണപെടുകയായിരുന്നു.മൃതദേഹം മാപ്രാണം ലാല്‍ ആശുപത്രിയില്‍ സൂക്ഷിച്ചിരിക്കുകയാണ്.
Advertisement
