പുല്ലൂര്‍: പുല്ലൂര്‍ സര്‍വ്വീസ് സഹകരണ ബാങ്കിന്റെ ഗ്രീന്‍ പുല്ലൂര്‍ പദ്ധതിയുടെ ഭാഗമായി രൂപം കൊടുത്ത പുരുഷ സ്വയം സഹായ സംഘമായ ഗ്രീന്‍ലാന്‍ഡിങ് നേന്ത്രവാഴ വിളവെടുപ്പ് നടത്തി. മുരിയാട് ഗ്രാമ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍കെ.സി. പ്രശാന്ത് ഉദ്ഘാടനം ചെയ്തു. പുല്ലൂര്‍ സര്‍വ്വീസ് സഹകരണ ബാങ്ക് പ്രസിഡന്റ് ജോസ്.ജെ.ചിറ്റിലപ്പിള്ളി അധ്യക്ഷത വഹിച്ചു. ഗ്രീന്‍ലാന്‍ഡിങ് സ്വയം സഹായ സംഘം പ്രസിഡന്റ് കെ.എസ്.ആന്റോ (ജോസഫ്), സെക്രട്ടറി വി.കെ.ഗിരിജന്‍, ബാങ്ക് ഭരണസമിതി അംഗം ചന്ദ്രന്‍ കിഴക്കേവളപ്പില്‍, പുല്ലൂര്‍ ക്ഷീരോത്പാദകസംഘം പ്രസിഡന്റ് പി.വി.കുമാരന്‍, ഗ്രീന്‍ പുല്ലൂര്‍ കോ-ഓര്‍ഡിനേറ്റര്‍ എം.വി.ഗിരീഷ് കുമാര്‍, ജോസ് കോക്കാട്ട്, ബാലകൃഷ്ണന്‍ തുമ്പരത്തി, ലാലു പെരേപ്പാടം എന്നിവര്‍ നേതൃത്വം നല്‍കി. നേന്ത്രവാഴയ്ക്കു പുറമെ പയറ്, വെണ്ട, മുളക്, തക്കാളി, പാവയ്ക്ക തുടങ്ങി 12ല്‍ പരം പച്ചക്കറികളും സ്വയം സഹായസംഘം ഉത്പാദിപ്പിക്കുന്നുണ്ട്.
Advertisement
