പൂമംഗലം : സാമ്പത്തിക വര്ഷാവസാനത്തിന് രണ്ടു മാസങ്ങള്ക്കു മുന്പ് തന്നെ 100% നികുതികളും പിരിച്ചെടുത്തതിന് സംസ്ഥാന സര്ക്കാരിന്റെ പ്രത്യേക സമ്മാനം പൂമംഗലം പഞ്ചായത്തിന് തദ്ദേശ വകുപ്പ് മന്ത്രി കെ ടി ജലീല് നല്കി. കഴിഞ്ഞ ദിവസം പെരിന്തല്മണ്ണയില് പഞ്ചായത്ത് ദിനഘോഷ വേദിയില് വെച്ചായിരുന്നു പുരസ്കാര സമര്പ്പണം.കഴിഞ്ഞ 6 വര്ഷങ്ങളിലും പൂമംഗലം പഞ്ചായത്ത് 100% നികുതി പിരിവു നേടിയിരുന്നു. തുടര്ച്ചയായ 5 വര്ഷങ്ങളിലും 100% പദ്ധതി വിനിയോഗവും,4 വര്ഷം ജില്ലയിലെ മികച്ച പഞ്ചായത്തിനുള്ള സ്വരാജ് ട്രോഫിയും പൂമംഗലത്തിനായിരുന്നു, 2017 ഡിസംബര് 31നകം 92% നികുതികളും പിരിച്ചെടുത്തിരുന്നു. ഇക്കഴിഞ്ഞ 31നു അത് 100%ആക്കി. 2012 മുതല് ആറു വര്ഷകാലം ഹരി ഇരിഞ്ഞാലക്കുടയായിരുന്നു പൂമംഗലം ഗ്രാമപഞ്ചായത്തിന്റെ സെക്രട്ടറി.പഞ്ചായത്ത് പ്രസിഡന്റ് വര്ഷ രാജേഷ് സ്റ്റാന്റിംഗ്കമ്മിറ്റി ചെയര്മാന്മാരായ ഈനാശു പല്ലിശ്ശേരി, കവിത സുരേഷ്, പഞ്ചായത്ത് സെക്രട്ടറി എന്. ജി ദിനേശ് തുടങ്ങിയവര് ചേര്ന്നാണ് പുരസ്ക്കാരം ഏറ്റുവാങ്ങിയത്.
സാമ്പത്തിക വര്ഷാവസാനത്തിന് മുന്പ് 100% നികുതികളും പിരിച്ചെടുത്ത പൂമംഗലം പഞ്ചായത്ത് സമ്മാനം ഏറ്റുവാങ്ങി.
Popular Categories
Previous article![ആഘോഷ തിമര്പ്പില് ശ്രീ ശിവകുമാരേശ്വര ( തീരാത്ത് ) ക്ഷേത്രത്തില് പൂയമഹോത്സവം]( "ആഘോഷ തിമര്പ്പില് ശ്രീ ശിവകുമാരേശ്വര ( തീരാത്ത് ) ക്ഷേത്രത്തില് പൂയമഹോത്സവം")
Next article![ഫുട്ട്ബോള് ചാമ്പ്യന്ഷിപ്പില് കിരീടം കരസ്ഥമാക്കിയ ഇരിങ്ങാലക്കുട ക്രൈസ്റ്റ് കോളേജ് ടീം]( "ഫുട്ട്ബോള് ചാമ്പ്യന്ഷിപ്പില് കിരീടം കരസ്ഥമാക്കിയ ഇരിങ്ങാലക്കുട ക്രൈസ്റ്റ് കോളേജ് ടീം")
