ഇരിങ്ങാലക്കുട:പ്രളയത്തില് കളിപ്പാട്ടങ്ങള് നഷ്ടപെട്ട കുഞ്ഞുവാവകള്ക്ക് കളിപ്പാട്ടങ്ങള് തിരികെ കൊടുക്കാന് മലപ്പുറത്തേക്കും വയനാട്ടിലേക്കും ഡി.വൈ.എഫ്.ഐ യുടെ കളിപ്പാട്ട വണ്ടികള് പോവുകയാണ്. കളിപ്പാട്ട ശേഖരണത്തിന്റെ ഇരിങ്ങാലക്കുട ബ്ലോക്ക് തല ഉദ്ഘാടനം മാടായിക്കോണം ശ്രീ പി.കെ.ചാത്തന് മാസ്റ്റര് സ്മാരക ഗവ.യു.പി.സ്കൂളില് കുരുന്നുകളില് നിന്ന് കളിപ്പാട്ടം ഏറ്റുവാങ്ങി പ്രൊഫ.കെ.യു. അരുണന് എം.എല്.എ നിര്വ്വഹിച്ചു. സംസ്ഥാന കമ്മിറ്റി അംഗം ആര്.എല്.ശ്രീലാല്, ബ്ലോക്ക് സെക്രട്ടറി വി.എ.അനീഷ്, പ്രധാന അദ്ധ്യാപിക എ.കെ.ഷീബ, പി.ടി.എ പ്രസിഡണ്ട് കെ.കെ.സുജേഷ്, നഗരസഭ കൗണ്സിലര് പി.വി.പ്രജീഷ്, എം.ബി.രാജു മാസ്റ്റര്, കെ.കെ.ദാസന്, കെ.ഡി.യദു, അക്ഷയ് മോഹന് എന്നിവര് പങ്കെടുത്തു.
