ഇരിങ്ങാലക്കുടയില്‍ റോഡരില്‍ കഞ്ചാവു കൈമാറുന്നതിന് കാത്തുനില്‍ക്കുമ്പോള്‍ മുകുന്ദപുരം താലൂക്കില്‍ എടതിരിഞ്ഞി വില്ലേജില്‍ എടക്കളംദേശത്ത് മഠത്തിപറമ്പില്‍ വീട്ടില്‍ ലോഹിതാക്ഷന്‍ മകന്‍ അഭീഷ് 34 വയസ്സ് എന്നയാളെ എക്‌സൈസ് എന്‍ഫോഴ്‌സ്‌മെന്റ് & ആന്റി നര്‍കോട്ടിക് സ്‌പെഷ്യല്‍ സ്‌ക്വാഡ് പ്രിവന്റിവ് ഓഫിസര്‍ വി എ ഉമ്മര്‍ അറസ്റ്റ് ചെയ്തു.ഇയാളില്‍ നിന്നും 50 ഗ്രാം കഞ്ചാവ് കണ്ടെടുത്തു.ആവശ്യക്കാര്‍ക്ക് കഞ്ചാവു വാങ്ങി കൊണ്ടു കെടുക്കുകയും അതിന് കമ്മീഷനായി സ്വന്തം ഉപയോഗത്തിന് കഞ്ചാവ് കണ്ടെത്തുകയുമാണ് ഇയാളുടെ രീതി. റെയ്ഡില്‍ സിവില്‍ എക്‌സൈസ് ഓഫിസര്‍മാരായ അബ്ദുള്‍ ജബ്ബാര്‍, ഗിരിധരന്‍, സന്തോഷ് ,ബിബിന്‍ ഭാസ്‌ക്കര്‍ എന്നിവര്‍ പങ്കെടുത്തു.
