JRF പരീക്ഷയിലും NEET പരീക്ഷയിലും ഉന്നത വിജയം കരസ്ഥമാക്കി പി.വി. അഞ്ചിതിനെ ആദരിച്ചു

27

മുരിയാട്: ഗ്രാമത്തിൽ നിന്നും JRF പരീക്ഷയിലും NEET പരീക്ഷയിലും ഉന്നത വിജയം കരസ്ഥമാക്കി പി.വി. അഞ്ചിത് . പോണ്ടിച്ചേരി സെൻട്രൽ സർവ്വകലാശാലയിൽ ഗവേഷണത്തിനായി അഞ്ചിത് തിരഞ്ഞെടുക്കപ്പെട്ടു എന്നറിയുമ്പോഴാണ് അഞ്ചിത്തിന്റെ നേട്ടത്തിന്റെ തിളക്കം മനസ്സിലാകുന്നത്. ഇരിങ്ങാലക്കുട ക്രൈസ്റ്റ് കോളേജിൽ നിന്നും ധനതത്വശാസ്ത്രത്തിൽ ബിരുദാനന്തരബിരുദം നേടിയതിന് ശേഷമാണ് ഇപ്പോൾ ഈ നേട്ടം അഞ്ചിത് കരസ്ഥമാക്കിയിരിക്കുന്നത്. പിന്നോക്ക വിഭാഗത്തിൽ വരുന്ന തൊഴിലാളികളായ തറയിലക്കാട് പാമ്പാട്ടിൽ വാസുവിന്റെയും സീതയുടെയും ഇളയ മകനായ അഞ്ചിത്തിനെ വീട്ടിലെത്തി മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി ആദരിച്ചു. വാർഡ് മെമ്പർ വൃന്ദകുമാരി , നാലാം വാർഡ് മെമ്പറും ക്ഷേമകാര്യ സ്റ്റാന്റിങ്ങ് കമ്മറ്റി ചെയർ പേഴ്സണുമായ രതി ഗോപി, എട്ടാം വാർഡ് മെമ്പർ നിഖിത അനുപ് എന്നിവർ സന്നിഹിതരായിരുന്നു.

Advertisement