സിസ്റ്റർ അന്ന മാഗ്ദലെൻ (84 വയസ്സ് ) നിര്യാതയായി

78
Advertisement

സമരിറ്റൻ സന്യാസിനീ സമൂഹത്തിന്റെ സ്നേഹോദയ പ്രൊവിൻസിലെ അംഗമായ സിസ്റ്റർ അന്ന മാഗ്ദലെൻ (84 വയസ്സ് ) 27/11/2020 വെള്ളിയാഴ്ച 4.20 നു നിര്യാതയായി. ഇരിങ്ങാലക്കുട അവിട്ടത്തൂർ ഗ്രേസ് ഭവൻ കോൺവെന്റിലായിരുന്ന സിസ്റ്റർ, മാള ചെല്ലക്കുടം പരേതരായ ലോനപ്പൻ – കുഞ്ഞേലിയ ദമ്പതികളുടെ മകളാണ്. പരേതയുടെ മൃതസംസ്കാര ശുശ്രുഷയുടെ ഭാഗമായി നാളെ 28/11/2020 ശനിയാഴ്ച രാവിലെ 6.30 ന് ഇരിങ്ങാലക്കുട രൂപതാധ്യക്ഷൻ അഭിവന്ദ്യ മാർ പോളി കണ്ണൂക്കാടൻ പിതാവിന്റെ മുഖ്യ കാർമ്മികതത്വത്തിൽ സേക്രഡ് ഹാർട്ട് മിഷൻ ഹോസ്പിറ്റൽ ചാപ്പലിൽ വച്ചു വിശുദ്ധ ബലിയും തുടർന്ന് 8 മണി വരെ പൊതു ദർശനത്തിനുള്ള സൗകര്യവും ഉണ്ടായിരിക്കും.
സംസ്കാരം മണ്ണുത്തി സ്നേഹോദയ പ്രൊവിൻഷ്യൽ ഹൗസ് ചാപ്പലിൽ വച്ച് 28/11/2020 – ന് ഉച്ചകഴിഞ്ഞു 2.30 -ന് തൃശൂർ അതിരൂപത മെത്രാപ്പോലീത്ത അഭിവന്ദ്യ മാർ ആൻഡ്രൂസ് താഴത്ത് പിതാവിന്റെ മുഖ്യ കാർമ്മികത്വത്തിൽ നടക്കുന്നതാണ്. കുഷ്ടരോഗീ സേവനത്തിനായി മുളയത്ത് 1961 -ൽ മോൺ.പോൾ ചിറ്റിലപ്പിള്ളിയാൽ സ്ഥാപിതമായ സമരിറ്റൻ സന്യാസിനീ സമൂഹത്തിലെ ആദ്യ അംഗമായ പരേത കേരളത്തിലും വടക്കേ ഇന്ത്യയിലുമായി ആതുര ശുശ്രുഷ രംഗത്തും സന്യാസ പരിശീലന രംഗത്തും സ്തുത്യർഹമായ സേവനം കാഴ്ച വച്ചിട്ടുണ്ട്.
സഹോദരങ്ങൾ: അമ്മിണി ആന്റണി, ത്രേസ്യാമ്മ സാനി, മറിയാമ്മ ലോനപ്പൻ, സൈമൺ, പരേതരായ ജോസ് , ദേവസ്സിക്കുട്ടി, സണ്ണി, റോസിലി പോളി.

Advertisement