വിവാഹപൂര്‍വ്വ കൗണ്‍സിലിംഗ് ശില്‍പശാല സംഘടിപ്പിച്ചു

ഇരിങ്ങാലക്കുട : സമൂഹത്തില്‍ വിവാഹ മോചനത്തിന്റെ എണ്ണം അനുദിനം വര്‍ദ്ധിച്ചു വരികയും, വിവാഹ ബന്ധങ്ങള്‍ വളരെ വേഗം വേര്‍പിരിയലിന്റെ ഘട്ടത്തില്‍ എത്തുകയും ചെയ്യുമ്പാള്‍ കുടുംബ ബന്ധം ശിഥിലമാകുന്നു. ഈ സഹചര്യത്തിലാണ് വിവാഹ ജീവിതത്തിലേക്ക് ഒരുങ്ങുന്ന യുവതീയുവാക്കള്‍ക്ക് മാര്‍ഗ്ഗം നിര്‍ദ്ദേശം നല്‍കുന്നതിനായി കേരള സംസ്ഥാന വനിതാ കമ്മീഷനും, ഇരിങ്ങാലക്കുട വനിത പോലീസ് സ്‌റ്റേഷന്‍ സംയുക്തമായി സംഘടിപ്പിക്കുന്ന വിവാഹപൂര്‍വ്വ കൗണ്‍സിലിംഗ് ശില്‍പശാല സംഘടിപ്പിച്ചു. ശില്പശാല ഇരിങ്ങാലക്കുട റൂറല്‍ ഡിവൈഎസ്പി ഫേമസ് വര്‍ഗ്ഗീസ് ഉദ്ഘാടനം ചെയ്തു. ഇരിങ്ങാലക്കുട വനിത പോലീസ് സ്‌റ്റേഷന്‍ എസ്.ഐ. ഉഷ അശോക് അദ്ധ്യക്ഷത വഹിച്ചു. വിവാഹ ജീവിതത്തിന് ഒരു ആമുഖം, ആശയവിനിമയം വിവാഹ ജീവിതത്തില്‍ എന്നീ വിഷയങ്ങളെ കുറിച്ച് വനിത കമ്മീഷന്‍ മെമ്പര്‍ അഡ്വ.ഷിജി ശിവജി വിഷയാവതരണം നടത്തി. മോട്ടിവേഷന്‍ സ്പീക്കര്‍ പ്രസാദ് .കെ. ക്ലാസ്സ് നയിച്ചു. സ്ത്രീകളും നിയമങ്ങളും എന്നതിനെകുറിച്ച് ഇരിങ്ങാലക്കുട വനിത എസ്‌ഐ ഉഷ വിശദമായി പറഞ്ഞു കൊടുത്തു. ഇരിങ്ങാലക്കുട സിഐ ബിജോയ്, ഇരിങ്ങാലക്കുട സബ്ബ് ജയില്‍ സൂപ്രണ്ട് അന്‍വര്‍ എന്നിവര്‍ ആശംസകള്‍ അര്‍പ്പിച്ച് സംസാരിച്ചു. വനിത പോലീസ് ഓഫീസര്‍ അപര്‍ണ ലവകുമാര്‍ സ്വാഗതവും സിപിഒ മിനി നന്ദിയും പറഞ്ഞു.

Hot this week

Topics

ഐ.ടി.യു ബാങ്ക് : ഇടപെടൽ ശക്തമാക്കി തോമസ് ഉണ്ണിയാടൻ എം എൽ എ

ഇരിങ്ങാലക്കുട: ഐ.ടി.യു ബാങ്ക് വിഷയത്തിൽ അടിയന്തര പരിഹാരം കാണണമെന്നാവശ്യപ്പെട്ട് തോമസ് ഉണ്ണിയാടൻ...

ക്രൈസ്റ്റ് വിദ്യാനികേതൻ സിൽവർ ജൂബിലി ‘ഫാ. ഗബ്രിയേൽ ട്രോഫി’ ഇന്റർസ്‌കൂൾ ഫുട്ബോൾ ടൂർണമെന്റിന് തുടക്കമായി

ഇരിങ്ങാലക്കുട: സിൽവർ ജൂബിലി ആഘോഷങ്ങളുടെ (Eclat '25) ഭാഗമായി ഇരിങ്ങാലക്കുട ക്രൈസ്റ്റ്...
spot_img

Related Articles

Popular Categories

spot_imgspot_img