ഇരിങ്ങാലക്കുട: ജൂലൈ 22,23 തീയതികളില്‍ ഇരിങ്ങാലക്കുട ക്രൈസ്റ്റ് വിദ്യാനികേതന്‍ ഇന്‍ഡോര്‍ സ്റ്റേഡിയത്തില്‍ വച്ച് നടന്ന സി ഐ എസ് സി ഇ കേരള ഉത്തരമേഖല ബാസ്‌ക്കറ്റ് ബോള്‍ ടൂര്‍ണമെന്റില്‍ സബ് ജൂനിയര്‍ ഗേള്‍സ് ,ജൂനിയര്‍ ഗേള്‍സ് ,സീനിയര്‍ ഗേള്‍സ്,സീനിയര്‍ ബോയ്സ് എന്നീ വിഭാഗങ്ങളില്‍ ക്രൈസ്റ്റ് വിദ്യാനികേതന്‍ സ്‌കൂള്‍ ടീം ചാമ്പ്യന്മാരായി . സബ് ജൂനിയര്‍ ബോയ്സ് വിഭാഗത്തില്‍ ഹരിശ്രീ വിദ്യാനിധി പൂങ്കുന്നവും ജൂനിയര്‍ ബോയ്സ് വിഭാഗത്തില്‍ ഡോണ്‍ ബോസ്‌കോ ഇരിങ്ങാലക്കുടയും വിജയിച്ചു
ക്രൈസ്റ്റ് വിദ്യാനികേതന്‍ ഇന്‍ഡോര്‍ സ്റ്റേഡിയത്തില്‍ വച്ച് നടന്ന സമാപന സമ്മേളനത്തില്‍ മുന്‍ കേരളം ബാസ്‌ക്കറ്റ് ബോള്‍ ടീം ക്യാപ്റ്റനും ക്രൈസ്റ്റ് വിദ്യാനികേതന്‍ മുന്‍ വിദ്യാര്‍ത്ഥിയുമായ കുമാരി അലീന ഡേവിസ് മുഖ്യാതിഥി ആയിരുന്നു . ക്രൈസ്റ്റ് വിദ്യാനികേതന്‍ മാനേജര്‍ റവ ഫാ ജേക്കബ് ഞെരിഞ്ഞാ പ്പിള്ളി സി എം ഐ , പ്രിന്‍സിപ്പാള്‍ റവ ഫാ സണ്ണി പുന്നേലിപ്പറമ്പില്‍ സി എം ഐ ,. സി എം ഐ സി ഐ എസ് സി ഇ കേരളം ഉത്തര മേഖല ബാസ്‌കറ്റ് ബോള്‍ ടൂര്‍ണമെന്റ് കോ ഓര്‍ഡിനേറ്റര്‍ സാജന്‍ , ക്രൈസ്റ്റ് വിദ്യാനികേതന്‍ ടീം മാനേജര്‍ ഷാജു എം പി എന്നിവര്‍ സന്നിഹിതരായിരുന്നു . ചടങ്ങില്‍ വച്ച് വിജയികള്‍ക്ക് പുരസ്‌കാരങ്ങള്‍ നല്‍കി അനുമോദിച്ചു .ബോണ വെന്‍ചര്‍ ആന്മരിയ അനൂപ് (ക്രൈസ്റ്റ് വിദ്യാനികേതന്‍ ) , ആരോണ്‍ (ഡോണ്‍ ബോസ്‌കോ ,ഇരിങ്ങാലക്കുട),ടിയ ജെ ഊക്കന്‍ ,ഫ്രാങ്ക്ളിന്‍ ഫ്രാന്‍സിസ് (ക്രൈസ്റ്റ് വിദ്യാനികേതന്‍ )എന്നിവര്‍ യഥാക്രമം വിഭാഗങ്ങളില്‍ മികച്ച കളിക്കാരായി തിരഞ്ഞെടുക്കപ്പെട്ടു
