ഇരിങ്ങാലക്കുട : പ്രായോഗികജ്ഞാനവും സാമൂഹ്യ പ്രതിബദ്ധതയും വിദ്യാര്ത്ഥികളില് ഉളവാക്കാനാകുമ്പോഴേ സാങ്കേതിക വിദ്യാഭ്യാസം പൂര്ണ്ണമാകുകയുള്ളു എന്ന് സി. എം. ഐ തൃശ്ശൂര് ദേവമാതാ പ്രവിശ്യയുടെ പ്രോവിന്ഷ്യല് ഫാ.വാള്ട്ടര് തേലപ്പിള്ളി സി. എം. ഐ. ഇരിഞ്ഞാലക്കുട ക്രൈസ്റ്റ് എഞ്ചിനീയറിംഗ് കോളേജില് പുതിയ ബാച്ചിന്റെ വിദ്യാരംഭചടങ്ങ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. വിദ്യാര്ത്ഥികള്ക്ക് അറിവിനോടൊപ്പം മൂല്യങ്ങളും പകരുന്ന സമഗ്രമായ വിദ്യാഭ്യാസമാണ് ക്രൈസ്റ്റ് എഞ്ചിനീയറിംഗ് കോളേജിന്റെ ദര്ശനം. ചുരുങ്ങിയ കാലം കൊണ്ട് കേരളത്തിലെ ഏറ്റവും മികച്ച എഞ്ചിനീയറിംഗ് കോളേജുകളുടെ ഗണത്തിലേക്ക് ക്രൈസ്റ്റ് എഞ്ചിനീയറിംഗ് കോളേജിന് ഉയരാന് കഴിഞ്ഞത്. ഇവിടുത്തെ അദ്ധ്യാപകരുടെയും വിദ്യാര്ത്ഥികളുടെയും പ്രദിബദ്ധതയും കഠിനാദ്ധ്വാനവും കൊണ്ടാണെന്നു അദ്ദേഹം കൂട്ടി ചേര്ത്തു.
എക്സിക്യൂട്ടീവ് ഡയറക്ടര് ഫാ. ജോണ് പാലിയേക്കര സി എം ഐ അദ്ധ്യക്ഷനായിരുന്നു. പഠിച്ചിറങ്ങുന്ന എല്ലാ വിദ്യാര്ത്ഥികള്ക്കും അക്കാദമിക് മികവ്,തൊഴില്,മാതൃകപരമായ സ്വഭാവ രൂപവല്ക്കരണം എന്നിവയാണ് ക്രൈസ്റ്റ് എഞ്ചിനീയറിംഗ് കോളേജിന്റെ ത്രിവിധ ദൗത്യങ്ങളെന്നു അദ്ദേഹം പറഞ്ഞു.
പ്രിന്സിപ്പല് ഡോ സജീവ് ജോണ് പുതിയതായി ചേര്ന്ന വിദ്യാര്ത്ഥികള്ക്ക് പ്രതിജ്ഞ ചൊല്ലി കൊടുത്തു.
ക്രൈസ്റ്റ് ആശ്രമം പ്രിയോര് ഫാ. ജേക്കബ് ഞെരിഞ്ഞാമ്പിള്ളി സി എം ഐ , ജോ. ഡയറക്ടര് ഫാ. ജോയ് പയ്യപ്പിള്ളി സി എം ഐ എന്നിവര് കഴിഞ്ഞ വര്ഷം നടന്ന യൂണിവേഴ്സിറ്റി പരീക്ഷയില് 10/10
എസ് ജി പി എ നേടിയവര്ക്ക് പുരസ്കാരങ്ങള് വിതരണം ചെയ്തു. വൈസ് പ്രിന്സിപ്പല് ഡോ. ജോണ്. വി. ഡി., പി ടി എ വൈസ് പ്രസിഡന്റ് ശ്രീമതി. സോണിയ ഗിരി, സ്റ്റുഡന്റസ് കോളേജ് യൂണിയന് ചെയര്മാന് ശിവ. ആര്. തുടങ്ങിയവര് പ്രസംഗിച്ചു.ഇന്സൈറ്റ് കൌണ്സിലിംഗ് സെന്റര് ഡയറക്ടര് ഫാ. പോള് പൊട്ടയ്ക്കല് സി എം ഐ വിദ്യാര്ത്ഥികള്ക്കും രക്ഷിതാക്കള്ക്കും ഓറിയന്റേഷന് ക്ലാസ്സ് നടത്തി.
