ഇരിങ്ങാലക്കുട-അറിവിന്റെ പിന്‍ബലത്തില്‍ കാലാനുസൃതമായ നവീകരണവും പാരമ്പര്യത്തെ ശുദ്ധീകരിക്കലുമാണ് നവോത്ഥാന പ്രക്രിയയിലൂടെ നടക്കേണ്ടതെന്നും അറിവിന്റെ ചക്രവാളം തുറന്നിട്ട് പള്ളിക്കൊപ്പം പള്ളിക്കൂടം എന്നാശയമുയര്‍ത്തിയ ചാവറ കുര്യാക്കോസ് ഏലിയാസച്ചന്റെ സേവനം നവോത്ഥാന മുന്നേറ്റത്തിന് മാറ്റുകൂട്ടിയെന്നും കാത്തലിക്ക് സെന്റര്‍ അഡ്മിനിസ്‌ട്രേറ്റര്‍ ഫാ. ജോണ്‍ പാലിയേക്കര സി .എം. ഐ അഭിപ്രായപ്പെട്ടു.ഇരിങ്ങാലക്കുട ജ്യോതിസ് കോളേജില്‍ ചാവറ അനുസ്മരണ പ്രഭാഷണവും ഫാ.സെബാസ്റ്റ്യന്‍ അമ്പൂക്കന്‍ ജൂബിലി മെമ്മോറിയല്‍ വിദ്യാഭ്യാസ അവാര്‍ഡ് വിതരണവും നടത്തി സംസാരിക്കുകയായിരുന്നു അദ്ദേഹം.യോഗത്തില്‍ ജ്യോതിസ് കോളേജ് ഡയറക്ടര്‍ ജോസ് ജെ ചിറ്റിലപ്പിള്ളി അധ്യക്ഷത വഹിച്ചു.ഫാ.സെബാസ്റ്റ്യന്‍ അമ്പൂക്കന്‍ സി .എം. ഐ അനുസ്മരണ പ്രഭാഷണം നടത്തി.തുടര്‍ന്ന് ഉയര്‍ന്ന മാര്‍ക്ക് കരസ്ഥമാക്കിയ വിദ്യാര്‍ത്ഥികളെയും ,പാരലല്‍ കോളേജ് മീറ്റില്‍ മികച്ച പ്രകടനം കാഴ്ച വച്ച വിദ്യാര്‍ത്ഥികള്‍ക്കുമുള്ള സമ്മാനവിതരണവും നടത്തി..എക്‌സിക്യൂട്ടീവ് ഡയറക്ടര്‍മാരായ ബിജു പൗലോസ് ,ഹുസൈന്‍ എം . എ എന്നിവര്‍ ആശംസകളര്‍പ്പിച്ചു.ജ്യോതിസ് കോളേജ് പ്രിന്‍സിപ്പാള്‍ പ്രൊഫ.എ .എം വര്‍ഗ്ഗീസ് സ്വാഗതവും ,ജ്യോതിസ് കോളേജ് അക്കാദമിക് കോര്‍ഡിനേറ്റര്‍ കുമാര്‍ സി .കെ നന്ദിയും പറഞ്ഞു
Popular Categories
Previous article![മാപ്രാണം സ്വദേശിയായ യുവാവിനെ മരിച്ച നിലയില്‍ കണ്ടെത്തി]( "മാപ്രാണം സ്വദേശിയായ യുവാവിനെ മരിച്ച നിലയില്‍ കണ്ടെത്തി")
Next article![ക്രൈസ്റ്റ് കോളേജിന്റെ 58 -ാമത് കണ്ടംകുളത്തി ഫുട്‌ബോള്‍ ടൂര്‍ണ്ണമെന്റ് ജനുവരി 28 മുതല്‍]( "ക്രൈസ്റ്റ് കോളേജിന്റെ 58 -ാമത് കണ്ടംകുളത്തി ഫുട്‌ബോള്‍ ടൂര്‍ണ്ണമെന്റ് ജനുവരി 28 മുതല്‍")
