‘ഹരിതം സഹകരണം’ പുല്ലൂരില്‍ തുടക്കമായി

പുല്ലൂര്‍- സഹകരണ വകുപ്പ് നടപ്പിലാക്കുന്ന ‘ഹരിതം സഹകരണം’ പരിസ്ഥിതി സംരക്ഷണ പദ്ധതിക്ക് പുല്ലൂര്‍ സര്‍വ്വീസ് സഹകരണ ബാങ്കില്‍ തുടക്കമായി.പദ്ധതി മുരിയാട് ഗ്രാമപഞ്ചായത്ത് പ്രസിഡന്റ് സരള വിക്രമന്‍ ഉദ്ഘാടനം ചെയ്തു.പച്ചക്കറി കിറ്റ് വിതരണം കൃഷി ഓഫീസര്‍ രാധികയും പൂകൃഷി ഉദ്ഘാടനം മുകുന്ദപുരം താലൂക്ക് സഹകരണ അസിസ്റ്റന്റ് രജിസ്ട്രാര്‍ അജിത്ത് കുമാര്‍ ഉദ്ഘാടനം ചെയ്തു.ബാങ്ക് പ്രസിഡന്റ് ജോസ് ജെ ചിറ്റിലപ്പിള്ളി അദ്ധ്യക്ഷത വഹിച്ചു.ഭരണസമിതി അംഗങ്ങളായ ഷീല ജയരാജ്,രാജേഷ് പി വി ,ശശി ടി കെ ,ഷിനോജ് ,ജാന്‍സി ജോസ് ,രേഖാ സുരേഷ് എന്നിവര്‍ പ്രസംഗിച്ചു.ഭരണസമിതി അംഗം സജന്‍ കാക്കനാട് സ്വാഗതവും ,സെക്രട്ടറി സ്വപ്‌ന സി എസ് നന്ദിയും പറഞ്ഞു