ഇരിങ്ങാലക്കുട : ഇരിങ്ങാലക്കുട ക്രൈസ്റ്റ് എഞ്ചിനിയറിംങ്ങ് കോളേജിലെ മെക്കാനിക്കല്‍ എഞ്ചിനീയറിംങ്ങ് അസോസിയേഷന്റെ നേതൃത്വത്തില്‍ വിദ്യാര്‍ത്ഥികള്‍ തന്നേ രൂപകല്‍പന ചെയ്ത് സ്വയം നിര്‍മ്മിച്ച വീല്‍ ചെയറുകള്‍ ജില്ലയിലെ നിര്‍ദ്ധനരായ രോഗികള്‍ക്കാശ്വമായി വിതരണം ചെയ്തു.വീല്‍ കെയര്‍ എന്ന് നാമകരണം ചെയ്തിരിക്കുന്ന പദ്ധതിയുടെ സംസ്ഥാനതല ഉദ്ഘാടനം വിദ്യാഭ്യാസ മന്ത്രി പ്രൊഫ. സി രവിന്ദ്രനാഥ് നിര്‍വഹിച്ചു.പദ്ധതിയുടെ ആലോചന തുടങ്ങിയ സമയത്ത് തന്നേ ജില്ലാ,താലൂക്ക് ആശുപത്രിയിലെയും,പാലിയേറ്റീവ് കെയര്‍ യൂണിറ്റുകളും നേരീട്ട് സന്ദര്‍ശിച്ച് രോഗികളുടെയും ഡോക്ടര്‍മാരുടെയും വീല്‍ചെയര്‍ എങ്ങനേ വേണമെന്ന ആവശ്യകത മനസിലാക്കിയാണ് ഓരോ വീല്‍ചെയറും നിര്‍മ്മിച്ചിരിക്കുന്നത്.പദ്ധതിയ്ക്ക് സമൂഹത്തിലെ വിവിധതലത്തില്‍ നിന്നും സ്പോണ്‍ഷര്‍ഷിപ്പ് ലഭിച്ചതോടെ പദ്ധതിയുടെ ആദ്യഘട്ടമായി 37 വീല്‍ചെയറുകള്‍ പൂര്‍ത്തിയാവുകയായിരുന്നു.എം എല്‍ എ കെ യു അരുണന്‍ എം എല്‍ എ പ്രൊഫ. കെയു അരുണന്‍ അദ്ധ്യക്ഷത വഹിച്ച യോഗത്തില്‍ എം പി സി എന്‍ ജയദേവന്‍ മുഖ്യപ്രഭാഷണം നടത്തി.ചെയര്‍പേഴ്സണ്‍ നിമ്യാഷിജു,ദേവമാത പ്രൊവിന്‍ഷ്യാല്‍ ഫാ.വാള്‍ട്ടര്‍ തേലപ്പിള്ളി,കോളേജ് എക്സിക്യൂട്ടിവ് ഡയറക്ടര്‍ ഫാ.ജോണ്‍ പാലിയേക്കര,പ്രിന്‍സിപ്പാള്‍ സജീവ് ജോണ്‍,സ്റ്റാഫ് കോ-ഓഡിനേറ്റര്‍ സന്‍ജേഷ് മേനോന്‍,സ്റ്റുഡന്‍സ് കോഓഡിനേറ്റര്‍ കിരണ്‍ ജോയ് തുടങ്ങിയവര്‍ സംസാരിച്ചു.
