താണ്ണിശ്ശേരി : താണ്ണിശ്ശേരി കല്ലട പുളിയന്‍പാടത്താണ് ഗെയില്‍ പദ്ധതിയുടെ ഭാഗമായി കൃഷിയിടങ്ങളിലേയ്ക്കുള്ള ജലസേചനം തടഞ്ഞിരിക്കുന്നത്.കല്ലട വീട്ടില്‍ ശശിധരന്റെ ഒന്നര ഏക്കറിലുള്ള കൃഷിയാണ് ഇത് മൂലം നശിച്ചിരിക്കുന്നത്.40 വര്‍ഷത്തോളമായി കൃഷിയിലൂടെ ഉപജീവനം നടത്തുന്ന ഇദേഹം കെ എല്‍ ഡി സി കനാലിലെ ജലം തോടിലൂടെ എത്തിച്ച ശേഷം പറമ്പിലെ കുളത്തില്‍ ശേഖരിച്ചാണ് കൃഷി നനച്ചിരിന്നത്.കെ എല്‍ ഡി സി കനാലിലെ തോടുകള്‍ ഗെയില്‍ ഗ്യാസ് ലൈന്‍ പ്രവര്‍ത്തനങ്ങളുടെ പേരില്‍ മൂടിയതിനേ തുടര്‍ന്നാണ് കൃഷി പ്രതിസന്ധിയിലായത്.30 ഓളം കായ്ഫലമുള്ള ജാതികള്‍,ബഡ് ചെയ്ത ജാതി തൈകള്‍ ,കുരുമുളക് തുടങ്ങിയവ നശിച്ചിട്ടുണ്ട്.രാഷ്ട്രിയ സ്വാധിനമുള്ള കൃഷിക്കാര്‍ക്ക് ഗെയില്‍ സ്വന്തം ചിലവില്‍ വെള്ളമെത്തിച്ച് നല്‍കുന്നതായും ആരോപണമുണ്ട്.പരാതികള്‍ നിരവധി നല്‍കിയിട്ടും പരിഹാരമായിട്ടില്ല.
Popular Categories
Previous article![]( "പടിയൂര്‍ നാലാം വാര്‍ഡ് ഭിക്ഷാടന നിരോധിത വാര്‍ഡായി പ്രഖ്യാപിച്ചു")
Next article![]( "ഖാദര്‍ പട്ടേപ്പാടത്തിന്റെ ‘നിലാവും നിഴലും’ പ്രകാശനം ചെയ്തു")
