ഇരിങ്ങാലക്കുട : ട്രേഡ് യൂണിയന് രംഗത്ത് ഒറ്റപ്പെടുത്തലുകളും, മാറ്റിനിര്ത്തലുകളും നേരിടുന്ന തൊഴിലാളികള്ക്ക് എതിരാളികളില് നിന്നും സംരക്ഷണം ഉറപ്പ് വരുത്തി തൊഴിലാളികളുടെ കുടുംബാംഗമായി പ്രവര്ത്തിച്ച കമ്മ്യൂണിസ്റ് നേതാവായിരുന്നു എ.ടി. വര്ഗ്ഗിസ് എന്ന് എ. ഐ. ടി. യു. സി ജില്ലാ സെക്രട്ടറി കെ.ജി. ശിവാനന്ദന് അഭിപ്രായപ്പെട്ടു. തൊഴിലാളിയുടെ മുന്നോട്ടു പോക്കിന് തടസമായി നില്ക്കുന്ന മുതലാളി വര്ഗ്ഗമെന്നോ മറ്റു സംഘടനകളെന്നോ നോക്കാതെ ഇടപെടാന് എ.ടി. ക്ക് വേറിട്ട നിശ്ചയദാര്ഢ്യം ഉണ്ടായിരുന്നുവെന്നും ശിവാനന്ദന് കൂട്ടിച്ചേര്ത്തു. സി.പി.ഐ. നേതാവും വിവിധ ട്രേഡ് യൂണിയനുകളുടെ ജില്ലാ, സംസ്ഥാന നേതാവുമായിരുന്ന എ.ടി. വര്ഗ്ഗീസിന്റെ ഒന്നാം ചരമ വാര്ഷിക ദിനാചരണത്തോടനുബന്ധിച്ച് ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തില് സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം സെക്രട്ടറിയറ്റ് അംഗം കെ.വി. രാമകൃഷ്ണന് അദ്ധ്യക്ഷത വഹിച്ചു. മുതിര്ന്ന നേതാവ് പ്രൊഫ. മീനാക്ഷി തമ്പാന്, ജില്ലാ ട്രഷറര് കെ.ശ്രീകുമാര്, മണ്ഡലം സെക്രട്ടറി പി. മണി, ജില്ലാ സെക്രട്ടറി അംഗം ടി.കെ. സുധീഷ്, എ.ഐ.ടി.യു.സി. മണ്ഡലം സെക്രട്ടറി കെ. നന്ദനന്, ടൗണ് ലോക്കല് കമ്മിറ്റി അംഗം കെ.എസ് പ്രസാദ് എന്നിവര് പ്രസംഗിച്ചു.
Popular Categories
Previous article![]( "സൗജന്യമായി വാട്ടര് ടാങ്കുകള് വിതരണം ചെയ്തു.")
Next article![]( "എസ്.എന് വൈ എസിന്റെ 41-മത് അഖില കേരള പ്രൊഫഷണല് നാടക മത്സരത്തിന് തിങ്കളാഴ്ച്ച തുടക്കം.")
