പാരലല്‍ കോളേജ് സ്‌പോര്‍ട്സ് & ഗെയിംസ് മീറ്റ് ഇരിങ്ങാലക്കുടയില്‍ ആരംഭിച്ചു

480
Advertisement

ഇരിങ്ങാലക്കുട : തൃശൂര്‍ ജില്ലാ പാരലല്‍ കോളേജ് അസ്സോസിയേഷന്റെ നേതൃത്വത്തില്‍ വര്‍ഷം തോറും നടത്തി വരുന്ന ജില്ലാ കായിക മല്‍സരങ്ങള്‍ ഇരിങ്ങാലക്കുട ക്രൈസ്റ്റ് കോളേജിന്റെ വിവിധ ഗ്രൗണ്ടുകളിലായി ആരംഭിച്ചു.ജനുവരി 10, 11, 12 തിയ്യതികളിലായാണ് മത്സരങ്ങള്‍ നടത്തപ്പെടുന്നത്.സമാന്തര സ്ഥാപങ്ങളില്‍ പഠിക്കുന്ന ആയിരത്തിലധികം വിദ്യാര്‍ത്ഥികള്‍ പങ്കെടുക്കുന്ന കായിക മല്‍സരങ്ങള്‍ ക്രൈസ്റ്റ് കോളേജ് വൈസ് പ്രിന്‍സിപ്പാള്‍ ഫാ.ജോയ് പീണിക്കപറമ്പില്‍ ഉദ്ഘാടനം ചെയ്തു.ക്രൈസ്റ്റ് കോളേജ് മുന്‍ പ്രിന്‍സിപ്പാള്‍ ഫാ.ജോസ് തെക്കനെ ഉദ്ഘാടനയോഗത്തില്‍ അനുസ്മരിച്ചു.പാരലല്‍ കോളേജ് ജില്ലാ അസ്സോസിയേഷന്‍ പ്രസിഡന്റ് രാജീവ്, സെക്രട്ടറി വിമല്‍,സംസ്ഥാന വൈസ് പ്രസിഡന്റ് ജോണ്‍സണ്‍ കാഞ്ഞിരതിങ്കല്‍,ജില്ലാ വൈസ് പ്രസിഡന്റ് ബിജു പൗലോസ്, പ്രോഗ്രാം കണ്‍വീനര്‍ ബഷീര്‍, ജില്ലാ ട്രഷറര്‍ വിനോദ് എന്നിവര്‍ മേളക്ക് നേതൃത്വം നല്‍കുന്നു.