സെന്റ് ജോസഫ്‌സ് കോളേജില്‍ ഏകദിന സെമിനാര്‍ സംഘടിപ്പിച്ചു.

375
Advertisement
ഇരിങ്ങാലക്കുട: ആഗോള വികസനത്തിന്റെയും മത്സരത്തിന്റെയും വേഗതയും തീവ്രതയും വര്‍ദ്ധിക്കുന്നതിനനുസൃതമായി സര്‍വ്വകലാശാല വ്യവസായ പങ്കാളിത്തം അനിവാര്യമായ ഈ സാഹചര്യത്തില്‍ ഇരിങ്ങാലക്കുട സെന്റ് ജോസഫ്‌സ് ഓട്ടോണമസ് കോളേജിലെ ഗണിതശാസ്ത്ര വിഭാഗവും ഓള്‍ഡ് സ്റ്റുഡന്റ്‌സ് ഫോറം കുസാറ്റും (കൊച്ചിന്‍ സാങ്കേതിക സര്‍വ്വകലാശാല) ചേര്‍ന്ന് കെ.എസ്.ടി.എസ്.ടി.സി. ഫണ്ടിന്റെ സഹായത്തോടെ അപ്‌ളൈഡ് സ്റ്റാറ്റിസ്റ്റിക്കല്‍ ടെക്‌നിക്‌സില്‍ ഒരു ഏകദിന സെമിനാര്‍ സംഘടിപ്പിച്ചു. വിവധ മേഖലകളില്‍ പഠിക്കുന്ന വിദ്യാര്‍ത്ഥികള്‍ക്ക് സ്റ്റാറ്റിസ്റ്റിക്‌സ് എന്ന വിഷയം കൂടുതല്‍ ജനകീയവും വ്യവസായോന്മുഖവുമായി ഉപയോഗപ്പെടുത്തുന്ന രീതികള്‍ മനസ്സിലാക്കുന്നതിന് ഇത് ഉപകരിച്ചു. കുസാറ്റ് പ്രൊ വൈസ് ചാന്‍സലര്‍ പ്രൊഫ.പി.ജി. ശങ്കരന്‍ ഉദ്ഘാടനം നിര്‍വ്വഹിച്ചു. ഗണിതശാസ്ത്രം വിഭാഗം മേധാവി ഡോ.മംഗളാമ്പാള്‍ എന്‍.ആര്‍. സ്വാഗതം പറഞ്ഞു. പ്രിന്‍സിപ്പല്‍ ഡോ.സി.ക്രിസ്റ്റി അധ്യക്ഷ വഹിച്ചു. കെ.എസ്.ഇ. ലിമിറ്റഡിന്റെ മുന്‍ ചീഫ് ജനറല്‍ മാനേജര്‍ ശ്രീ ആനന്ദ് മേമോന്‍ ആശംസകളും സ്റ്റാറ്റിസ്റ്റിക്‌സ് അധ്യാപിക വിനി പി.ഡി. നന്ദിയും പറഞ്ഞു.