പൊറത്തിശ്ശേരി പ്രാഥമിക ആരോഗ്യ കേന്ദ്രത്തിന്റെ പുതിയ ഒ.പി ബ്ലോക്ക് കെട്ടിടം പ്രവർത്തന സജ്ജമായി

ഇരിങ്ങാലക്കുട: നഗരസഭയിലെ പൊറത്തിശ്ശേരിയിൽ ജനകീയാസൂത്രണം 2014-15 പദ്ധതിപ്രകാരം 12 ലക്ഷവും 2019-20 പദ്ധതിയിലെ 5 ലക്ഷവും ഉൾപ്പെടുത്തി മൊത്തം 17 ലക്ഷം ചിലവഴിച്ച് പണികഴിപ്പിച്ച പൊറത്തിശ്ശേരി പ്രാഥമിക ആരോഗ്യ കേന്ദ്രത്തിന്റെ പുതിയ ഒ.പി ബ്ലോക്ക് കെട്ടിടം പ്രവർത്തന സജ്ജമായി.നഗരസഭാ ചെയർപേഴ്സൺ നിമ്യ ഷിജു ഉദ്‌ഘാടനം നിർവ്വഹിച്ചു .ആരോഗ്യ സ്റ്റാന്റിംഗ് കമ്മിറ്റി ചെയർമാൻ പി.എ അബ്ദുൾ ബഷീർ അദ്ധ്യക്ഷത വഹിച്ചു.ജില്ലാ മെഡിക്കൽ ഓഫീസർ ഡോ.കെ.ജെ റീന മുഖ്യാതിഥിയായിരുന്നു.നഗരസഭാ സെക്രട്ടറി കെ.എസ് അരുൺ റിപ്പോർട്ട് അവതരിപ്പിച്ചു.മുനിസിപ്പൽ വൈസ് ചെയർപേഴ്സൺ രാജേശ്വരി ശിവരാമൻ നായർ ,വികസന സ്റ്റാന്റിംഗ് കമ്മിറ്റി ചെയർമാൻ കുര്യൻ ജോസഫ് ,പൊതുമരാമത്ത് സ്റ്റാന്റിംഗ് കമ്മിറ്റി ചെയർപേഴ്സൺ വത്സല ശശി ,എന്നിവർ ആശംസകൾ അർപ്പിച്ച് സംസാരിച്ചു .നഗരസഭാ ഹെൽത്ത് സൂപ്പർവൈസർ സ്റ്റാൻലി പി .ആർ ,പ്രാഥമികാരോഗ്യകേന്ദ്രം ജീവനക്കാർ തുടങ്ങിയവർ ചടങ്ങിൽ പങ്കെടുത്തു .വാർഡ് കൗൺസിലർ പ്രജിത സുനിൽകുമാർ സ്വാഗതവും ,മെഡിക്കൽ ഓഫീസർ ബിനു കെ .ബി നന്ദിയും പറഞ്ഞു .