ഇരിങ്ങാലക്കുട: നഗരസഭയുടെ പട്ടികജാതി ജനവിഭാഗങ്ങളോടുള്ള അവഗണനയ്ക്കും വാഗ്ദ്ധാന ലംഘനങ്ങൾക്കുമെതിരെ ടൗൺ ഹാൾ പരിസരത്ത് പട്ടികജാതി ക്ഷേമസമിതിയുടെ നേതൃത്വത്തിൽ പ്രതീകാത്മക അയ്യങ്കാളി സ്ക്വയർ സ്ഥാപിച്ചു. ടൗൺ ഹാൾ പരിസരത്ത് അയ്യങ്കാളി സ്ക്വയർ സ്ഥാപിക്കുമെന്ന നഗരസഭയുടെ വാഗ്ദാനം കലാവധി കഴിയാറായിട്ടും നടപ്പാക്കിയിട്ടില്ല. ചാത്തൻ മാസ്റ്റർ ഹാൾ, പട്ടികജാതി വികസന കേന്ദ്രം, പട്ടികജാതി വനിത വ്യവസായ കേന്ദ്രം, തുടങ്ങിയ പദ്ധതികളും പൂർത്തിയാക്കാത്ത നിലയിലാണ്. പട്ടികജാതി മേഖലയിൽ പുതിയ പദ്ധതികൾ ഒന്നും നടപ്പിലാക്കാത്ത നഗരസഭ ഭരണാധികാരികളുടെ കെടുകാര്യസ്ഥത മൂലം കഴിഞ്ഞ വർഷം മാത്രം 2.80 കോടി രൂപയോളമാണ് പട്ടികജാതി ഫണ്ട് നഷ്ടപ്പെടുത്തിയത്. മുൻ വർഷങ്ങളിലെ സ്ഥിതിയും വ്യത്യസ്ഥമല്ല.UDF നഗരസഭാ ഭരണാധികാരികളുടെ ഈ വഞ്ചനാപരമായ നിലപാടിനെതിരായാണ് പികെഎസ് സമരം സംഘടിപ്പിച്ചത് സമരം പികെഎസ് ഏരിയ സെക്രട്ടറി സി.ഡി സിജിത്ത് ഉദ്ഘാടനം ചെയ്തു. പി വി ശിവകുമാർ,കെ പി ജോർജ്,എ.വി ഷൈൻ,മീനാക്ഷി ജോഷി, പി.കെ.മനുമോഹൻ, വി.സി.മണി,കെ.കെ രത്നാകരൻ, കെ വി അംബിക എന്നിവർ സംസാരിച്ചു.
Popular Categories
Previous article![]( "സഹകരണ മേഖല അപകട മുനമ്പില്‍:വി എ മനോജ് കുമാര്‍:പുല്ലൂര്‍ സര്‍വ്വീസ് സഹകരണ ബാങ്ക് ഇനി മുതല്‍ സൂപ്പര്‍ഗ്രേഡില്‍")
Next article![]( "കാട്ടൂർ തെക്കുംപാടം കൂട്ടുകൃഷി സംഘത്തിന് ജില്ലാ പഞ്ചായത്ത് സബ് മാർജ്ഡ് പമ്പ് സെറ്റ് നൽകി")
