കാറളം: സെന്റ് വിന്‍സന്റ് ഡി പോള്‍ സൊസൈറ്റി കാറളം കോണ്‍ഫറന്‍സിന്റെ സുവര്‍ണ്ണ ജൂബിലി ആഘോഷങ്ങളുടെ ഭാഗമായുള്ള കാരുണ്യക്കൂട് പദ്ധതി ഉദ്ഘാടനം ചെയ്തു. അനാഥാലയങ്ങളിലെ അന്തേവാസികള്‍ക്കുള്ള വസ്ത്രങ്ങള്‍ സമാഹരിക്കുന്ന പദ്ധതിയാണ് കാരുണ്യക്കൂട്. സെന്‍ട്രല്‍ കൗണ്‍സില്‍ വൈസ് പ്രസിഡണ്ട് ഐ ഡി ഫ്രാന്‍സീസ് മാസ്റ്റര്‍ വസ്ത്രങ്ങളടങ്ങിയ ആദ്യ ബാഗ് വികാരി ഫാ.ഡെയ്‌സണ്‍ കവലക്കാട്ടിന് കൈമാറി. കോണ്‍ഫറന്‍സ് പ്രസിഡണ്ട് ബിജു തേക്കാനത്ത് അദ്ധ്യക്ഷത വഹിച്ചു. എം എ കുരിയപ്പന്‍, സി ഡി മാത്യു, എ എല്‍ പൈലി, ബാസ്റ്റിന്‍ ഫ്രാന്‍സീസ് എന്നിവര്‍ പ്രസംഗിച്ചു.
Advertisement
