വേളൂക്കര പഞ്ചായത്തില്‍ അവിശ്വാസ പ്രമേയം തള്ളി

വേളൂക്കര : പഞ്ചായത്തില്‍ ഭരണപരാജയം ആണെന്ന് ആരോപിച്ച് പ്രതിപക്ഷം കൊണ്ട് വന്ന അവിശ്വാസ പ്രമേയം തള്ളി.ഇന്ദിര തിലകന്റെ നേതൃത്വത്തില്‍ ഇടത്പക്ഷം ഭരിക്കുന്ന പഞ്ചായത്തില്‍ ഭരണം പൂര്‍ണ്ണ പരാജയം ആണെന്ന് ആരോപിച്ചാണ് കോണ്‍ഗ്രസ് അവിശ്വാസ പ്രമേയം കൊണ്ട് വന്നത്.വെള്ളിയാഴ്ച്ച ചേര്‍ന്ന യോഗത്തില്‍ അജണ്ട ചര്‍ച്ച ചെയ്യേണ്ടേന്നും നേരിട്ട് വേട്ടിനിടണമെന്നും ഭരണപക്ഷം ആവശ്യപെടുകയായിരുന്നു.എട്ട് വീതം സി പി എം അംഗങ്ങളും കോണ്‍ഗ്രസ് അംഗങ്ങളും ഉള്ള പഞ്ചായത്തില്‍ ബാക്കി രണ്ട് സീറ്റ് സി പി ഐ ക്കാണ്.സി പി ഐ കൂടി ഭരണപക്ഷത്തിന് വോട്ട് ചെയ്തതോടെ അവിശ്വാസ പ്രമേയം എട്ടിനെതിരെ പത്ത് വോട്ടിന് തള്ളുകയായിരുന്നു.