ഇരിങ്ങാലക്കുട : കണ്ടംകുളത്തി ലോനപ്പന്‍ സ്മാരക വിന്നേഴ്‌സ് ട്രോഫിക്കും ടി എല്‍ തോമസ് തൊഴുത്തും പറമ്പില്‍ റണ്ണേഴ്‌സ് ട്രോഫിക്കും വേണ്ടിയുളള ക്രൈസ്റ്റ് കോളേജിന്റെ 57-മത് അന്തര്‍ കലാലയ അഖില കേരള ഫുട്‌ബോള്‍ ടൂര്‍ണ്ണമെന്റിന് തുടക്കമായി.ക്രൈസ്റ്റ് കോളേജ് ഗ്രണ്ടില്‍ നടന്ന മത്സരം നഗരസഭ വൈസ് ചെയര്‍പേഴ്‌സണ്‍ രാജേശ്വരി ശിവരാമന്‍ ഉദ്ഘാടനം ചെയ്തു.വാര്‍ഡ് കൗണ്‍സിലര്‍ ഫിലോമിന ജോയ്,കോളേജ് മാനേജര്‍ ഫാ.ജേക്കബ് ഞെരിഞ്ഞാംപ്പിള്ളി,ഫാ.ജോളി ആന്‍ഡ്രൂസ്,കെ ജെ പയസ് കണ്ടംകുളത്തി,ടി ജേ തോമസ് തുടങ്ങിയവര്‍ പ്രസംഗിച്ചു. ഫെബ്രുവരി 5 മുതല്‍ 9 വരെ മാങ്ങാടിക്കുന്നിലെ ക്രൈസ്റ്റ് കോളേജ് ഫുട്‌ബോള്‍ ഗ്രൗണ്ടില്‍ വച്ചാണ് മത്സരങ്ങള്‍ നടക്കുന്നത്.വിജയികള്‍ക്കു 30000 രൂപ ക്യാഷ് പ്രൈസ് ആയും രണ്ടാം സ്ഥാനക്കാര്‍ക്ക് 25000 രൂപ ക്യാഷ് പ്രൈസ് നല്‍കുന്നു.സന്തോഷ് ട്രോഫി താരങ്ങളും കോരള ബ്ലാസ്റ്റേഴ്‌സ് താരങ്ങളും ,ഐ ലീഗ് താരങ്ങളും യൂണിവേഴ്‌സിറ്റി താരങ്ങളും വിവിധ കോളേജുകള്‍ക്കായി ബൂട്ട് കെട്ടുന്നുണ്ട് .
