ഇരിങ്ങാലക്കുട നിയോജകമണ്ഡലത്തിൽ ട്വന്റി ട്വന്റി സംഘടന രൂപീകരിച്ചു.

ഇരിങ്ങാലക്കുട: ഇരിങ്ങാലക്കുട നിയോജകമണ്ഡലത്തിൽ ട്വന്റി ട്വന്റിയുടെ പുതിയ ഘടകം രൂപീകരിച്ചു. സംസ്ഥാന കമ്മിറ്റിയംഗവും കൊടുങ്ങല്ലൂർ നിയോജകമണ്ഡലം പ്രസിഡന്റുമായ ഡോ. വർഗീസ് ജോർജ് ചടങ്ങ് ഉദ്ഘാടനം ചെയ്തു. സംസ്ഥാന കമ്മിറ്റിയംഗവും ചാലക്കുടി നിയോജകമണ്ഡലം പ്രസിഡന്റുമായ അഡ്വ. സണ്ണി ഡേവിസ് മുഖ്യപ്രഭാഷണം നടത്തി.
കൈപ്പമംഗലം നിയോജകമണ്ഡലം പ്രസിഡന്റ് ഹരിശങ്കർ പുല്ലാനി, ആളൂർ മണ്ഡലം പ്രസിഡന്റ് ജോഷി മാടവന, മുരിയാട് പഞ്ചായത്തിൽ നിന്നുള്ള സുനിൽ ചെരടായി എന്നിവർ ആശംസകൾ അറിയിച്ചു.
ചടങ്ങിന് ശേഷം അംഗത്വ വിതരണം നടത്തി. ഇരിങ്ങാലക്കുട നിയോജകമണ്ഡലത്തിലെ പ്രവർത്തനങ്ങൾക്ക് നേതൃത്വം നൽകുന്നതിനായി 11 അംഗ എക്സിക്യൂട്ടീവ് കമ്മിറ്റിയും രൂപീകരിച്ചു. മുരിയാട് പഞ്ചായത്തിൽ നിന്നുള്ള സുനിൽ ചെരടായി പ്രസിഡന്റായും, ആളൂർ പഞ്ചായത്തിൽ നിന്നുള്ള ജോഷി മാടവന സെക്രട്ടറിയായും തിരഞ്ഞെടുക്കപ്പെട്ടു. വേളൂക്കര പഞ്ചായത്തിൽ നിന്നുള്ള ജോൺസൺ ടി.കെ വൈസ് പ്രസിഡന്റായും, ഇരിങ്ങാലക്കുട മണ്ഡലത്തിൽ നിന്നുള്ള ഗിൽബർട്ട് കെ.ഒ ജോയിന്റ് സെക്രട്ടറിയായും ചുമതലയേറ്റു.
യോഗത്തിൽ വിവിധ ക്ഷേമ പ്രവർത്തനങ്ങൾ സംബന്ധിച്ചും ചർച്ച നടത്തി. കൂടാതെ വിവിധ പഞ്ചായത്തുകളിലെയും ഇരിങ്ങാലക്കുട മണ്ഡലത്തിലെയും എൻ.ഡി.എ സഹകരണവുമായി ബന്ധപ്പെട്ട കാര്യങ്ങളിലും തീരുമാനങ്ങൾ കൈക്കൊണ്ടു. വിവിധ പഞ്ചായത്തുകളിൽ നിന്നുള്ള പ്രതിനിധികളെയും നിയോഗിച്ചു.