സോഷ്യൽ ആക്ഷൻ ഫോറം ഇരിങ്ങാലക്കുട – വനിതാ ദിനംALIN 2K26

ഇരിങ്ങാലക്കുട രൂപത സോഷ്യൽ ആക്ഷൻ ഫോറം മാർച്ച് ഏഴാം തീയതി ഗ്രാമശ്രീ വനിതകൾക്കായി വനിതാദിനം – ALIN 2K26 ആഘോഷിച്ചു. ഇരിങ്ങാലക്കുട രൂപത ബിഷപ്പ് മാർ പോളി കണ്ണൂക്കാടൻ ഉദ്ഘാടനം ചെയ്ത പരിപാടിയിൽ വികാരി ജനറാൾ മോൺ. ആന്റോ ആലപ്പാടൻ അധ്യക്ഷത വഹിച്ചു. ഗ്രാമശ്രീ സ്വയംസഹായ സംഘം രൂപത പ്രതിനിധി മിസ്. ലിജ ബെന്നി ഏവരെയും സ്വാഗതം ചെയ്തു. ഗ്രാമശ്രീ സെക്രട്ടറി മിസ്സ്‌ ടോളി ജോഷി മുൻ വർഷത്തെ റിപ്പോർട്ട് അവതരിപ്പിച്ചത് യോഗം പാസാക്കി. സോഷ്യൽ ആക്ഷൻ ഫോറം എക്സിക്യൂട്ടീവ് ഡയറക്ടർ റവ. ഫാദർ തോമസ് നട്ടേക്കാടൻ ആമുഖ പ്രഭാഷണം നടത്തി. സാമൂഹ്യ സേവന രംഗത്ത് സ്തുത്യർഹമായ സേവനം കാഴ്ചവച്ച മദർ മേരി പാസ്റ്റർ CHFനെ അഭിവന്ദ്യ പിതാവ് മാർ പോളി കണ്ണൂക്കാടൻ ആദരിച്ചു. ഫെഡറൽ ബാങ്ക് കൗൺസിലർ മിസ്റ്റർ ജോൺസൺ പി ലൂവിസ് ഫിനാൻഷ്യൽ ലിറ്ററസിയെകുറിച്ചും ബാങ്ക് ഓഫ് ഇന്ത്യ തൃശ്ശൂർ സീനിയർ മാനേജർ മിസ്സ്‌ നീതി രാമകൃഷ്ണൻ ബാങ്കിംഗ് മേഖലയിലെ വിവിധ ആനുകൂല്യങ്ങളെക്കുറിച്ചും സംസാരിച്ചു. വികാരി ജനറാൾ മോൺ ആന്റോ ആലപ്പാടൻ മോട്ടിവേഷൻ ക്ലാസ് നയിച്ചു. സോഷ്യൽ ആക്ഷൻ ഫോറം അസ്സി. ഡയറക്ടർ റവ.ഫാ സാബു പയ്യപ്പിള്ളിയുടെ നന്ദി പ്രസംഗത്തോടുകൂടി പരിപാടി സമാപിച്ചു